عزيزتي الله يتمملك على خير يا رب
سؤال شو مقياسك للجمال ؟؟؟؟

وخطيبك شافك على طبيعتك واكيد شايف غيرك
يعني اختارك انتي من بين الكل

لانو في شي لفتلو نظرو فيكي شي انعجب فيه شي شافو حلو


وانتي اللي انعجب فيها عالطريق واعطى رأيو بجمالك وقت الخطبة هيي ذاتها اللي رح تكون بعد الزواج

كمان عزيزتي نظرتي عن الجمال بتختلف عن نظرتك ونظرة خطيبك بتختلف عنك وهكذا اللي ممكن انتي ما تشوفيه حلو غيرك بشوفه قمة الجمال

نصيحة الثقة ثم الثقة ثم الثقة

وما تحكي هيدا الكلام امام اي احد لا خطيبك ولا صديقتك ولا اي مخلوق
لانو الناس بتشوفك متل ما انتي بتشوفي حالك
لو كنتي ملكة جمال وشفتي حالك اقل شي بالجمال هالشي رح يوصل للناس وما رح ينظروا لجمالك الحقيقي بل للصورة اللي وصلتيها الهن

عزيزتي ربنا معقول يخلق انسان ما عندو جمال
كل انسان مهما كانت مواصفاته ولونه عنده جمال بميزه عن غيره ان كان داخلي او خارجي

حبي حالك وخلي ثقتك بنفسك عالية ودايما اشكري الله على نعمة الهيئة اللي خلقك فيها
شوفي حالك جميلة يراك الكل في قمة الجمال
الله يسعدك دنيا وآخرة
اخترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه