والله انا بالبدااايه كنت اسكت
بعد كدا سرت ارد بأدب ..
وراح اذكرلك بعض من مواقفي معها :

كنا كلنا جالسين مع بناتها وسلفتي ..
الا جلسدت تمدح في زوجي وشكلو
وتقول الناااس كلها تشوفو حلو ووسيم
الا انا ايش رديت عليها
( كويس الحمدلله انو الناس شايفينو حلو )
قالتي ليش اشبو ولدي ؟
قلتلها هوا اوكي حلو بس مرة محد قالي
الا تقول ( والله لو ما اخدتي ولدي تبوري )
انا مع الصدمة قلتلها حبيبتي محد يبور
حآخد سيد سيدو
وبس الا هيا سكتت ومعد عادتها

والموقف الثاني كان يوم الخميس ملكة خالي والجمعه زواج
قام زوجي قال خلاص هادي اليومين باتي فيها عند اهلك واجي اخدك السبت مو مشكلة
الا تخيلي لمن جيت السبت اسلم عليها
تقوم تقول ( انتي اهلك ليش جوزوكي ) وتعيد فيها
انا مرررة انقهرت ماعرفت ايش ارد وسكتت
واكلت في نفسي وبكيت من القهر بيني وبين نفسي

طبعا انا مستحيل اقول لزوجي عن تصرفات اهلو اللي تضايقني
لانو بكل اختصار راح يرد ( هادول اهلي لا تدخليني في مشاكلكم ( انا اهلي حط احمر )
فليش اتعب نفسي
ارد رد محترم وخلاص

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟