اهلاااا ورد..

و الله موضوعك.. مممم معقد شوي..

اول شي غلط منك اللي عملتيه...
مهما كان المرأه ما يفترض تبادر بأمور مثل كذا..

لكن بأبدا معك من هناا ان شاء الله لأفضل حل و طريق.. واقعي..

بالبداية.. ما وصفتي لنا الشخص.. انتي على اي اساس بادرتي..!
هل هو رجل بمعنى الكلمة.. سمعة و أخلاق و عائلة؟
اذا كان غير كذا... التوقف افضل.
اذا كان كذا... ف' كيف توصفيه بعد ال' كم شهر هذي ؟

هل يستحق الموافقة؟ ... اكيد برايك لأن وافقتي ع طول ' أكيد.

بعدهاا... كيف طلب انه يتقدم لك؟ هل بدون سابقة..
يعني من تلقاء نفسه.. ام انك ضغطتي عليه بشكل غير مباشر..

اذا كان من تلقاء نفسه.. هذا مؤشر خفيف لصدق النية..
ام اذا كان بضغط منك.. هذا مؤشر ممكن للمكر و لإطالة العلاقة.

بعدها لماذا طلب الصورة.؟ هل ليقرر بالموافقة النهائية.
و هل طريقته ملحة بالطلب.. ام انها مره واحدة؟

اذا مرة واحدة.. فالشخص هذا عنده عزة نفس.. و مايحب يتفشل بطلب ثاني

لكن اذا ملح بالطلب... ف والله اقولك.. الجدية بالشرق و هو بالغرب.

لان في طرق ثانية اما يرسل أهله او شوفه شرعية.. .

طيب ماهو مطلوب منك حاليااا.. اعادة التفكير و تقييم الوضع..
واعتبري ان نسبة الصدق بشكل عام عند الشباب بهالامور لا تتجاوز 10%.

و التسعين..
ماخذينها تسلية و اختبار لنفسة.. و يستمتع اذا كان يحس
انه مازال جذاب.. و ممكن يكتسب خبره بالامور..
و يحط لنفسة تحديات.. ممكن صورة كبداية بعدها مكالمة فيديو.. بعدها مقابلة..
و كلن ع حسب طموحة..

حاليا مالك الا توقفي العلاقة.. بدون ضعف منك..
هذا وقت مناسب..

والله يوفقك ويستر عليك

__________________

::
♤¤ مااضيق العيش لولا فسحه الأمل ¤♤
::

اشكرك على الحوار الراقي العقلاني الواقعي جزاك الله خير
ووضعت النقاط على الحروف وبجاوبك
بالنسبه لطلبه انه يتقدم لي من تلقاء نفسه لا ضغط مني ولاشي
وفعلا اكثر من مره الح علي بخصوص الصورة وكنت ارفض وينتهي الموضوع
والي اعرفه عنه شخص محترم بار بامه ومثققف وكبير مو شخص مراهق ولا مطفقوق
والعلاقة حاليا منقطعه انا قطعتها مو ضعف مني بالعكس الله قواني الحمدلله
واذا هو وعد انه يتقدم وكان صادق الله يسخره
واذا كان كذاب الله يصرفه
مثل ماقال الله تعالى وان يك كاذبا فعليه كذبه
وان يك صادقا يصبكم بعض الذي يعدكم
وجزاك الله خير على نصحك
بس عندي سؤال ليه الرجل يحد نفسه يضيع وقته ويوعد ويكلمم ويتعب نفسه
وهو عارف انه ماراح يستفيد
طيب مايشوف خواته بناته او اهله مممكن مايكونو في مامن بسببهم

والله شوفي ياختي..
تفكير المرأة وتصرفاتها ' و ردات الفعل تقريباا متشابهه..

لكن بالنسبه للرجل تختلف كليا.. لأنه هو اللي يقود الدفة دائماا..
بأي مسألة او علاقة وو.. ف' هو عارف وين يسير و يعرف النتائج المتوقعة.

معنى كلامي..
هو يعرف إلى وين يصل و يعرف وش يبي.. و انتي تسيرين معه
بنفس الطريق اللي هو مختاره.. ف'بالنسبه لك.. للان ماتعرفين لوين راح يوصل معك..

انتي عليك تقييم الوضع.. تعرفين اكثر منا عن شخصيتة و سلوكة..
لكن تخفى عليك الخبرة..
يعني للان ما زلتي ماتعرفين جده من لعبه..
يتوجب عليك الحذر..

انا قلت لك باختصار الأشياء اللي تخلي شخص يستمر بعلاقة هو عارف نتيجتهاا..

يعني حالياااا.. اقولك شيين اثنين..

الاول.. نفترض انه جااد..
اعتقد الفترة اللي قضيتوها تكفي للتعارف.. و لو كان جاد
يتخذ خطوات جدية اكثر.. يكلم اهله.. اخته.. يكلم اهلك..
و انتي مفترض منك ترمي الكرة بملعبة..
تقولين مثلاا.. ها انت الان تعرف عني كل شي.. و انا ما اخفيت عنك شي.. بالاشيا الضرورية..
ف ان كنت جاد.. يفترض انك تتقدم لي.. لأن الاستمرار اكثر من كذا مضيعة للوقت..
لا لك و لا لي.. انا لو ما اعجبت بك ما كنت تجرأت و تواصلت.. و هذا اخر حد اقدر اتجاوزه معك..
فأنا والله تواصلت معك بنيه صافية.. و كسرت بعض العادات..
و الان اعتقد اننا وصلنا لخط فاصل.. اما استمرار بالشرع او نرجع لخط البداية..
والله يوفق الجميع.. اما يجمعنا سوا او يعوض كل منا بالاحسن... '

و هنااا راح يتضح لك صدق نواياه..

هو راح يختار اما يثبت جديته.. بخطوة جدية.. بنفس ما قلت لك.
أو يختار انهاء الوضع بسلام معك..
واذا اختار وحدة منهم فهو انسان جااد وصادق معك..

اما اذا اختار الاستمرار.. ويحاول يمتص قرارك.. بأسلوب تبريد.. يعني يطلب منك
شوية وقت.. او يشوفك.. او تجاوز ظرف معين..
يعني مثل يقول ابيك بس انتظري شوي.. خلينا نعرف بعض اكثر.. خليني اشوفك و راح اتقدم لك..
او حاول يتصنع الزعل.. بأنك شاكه فيه.. و اشيا كثيره.. توصل لك انه يبيك بس يطلب مهله..


ف اعرفي انه ممثل.. و اغلب مشاعره معك مصطنعة.. و انه نوعية رديئة من الرجال..
و قليل مروءة.. باختصار ليس رجل..
لان اللعب على النساء واستغلال الحاجة والضعف والعاطفة... ليست من شيم الرجال...

و اعملي نفس ما قلت لك... وربي ييسر لك.. خليك حازمة وواثقه..
و بيني له ان هذا قرار مو طلب... اما ابيض او اسود.. نعم او لا..


والله يوفقك......

__________________

::
♤¤ مااضيق العيش لولا فسحه الأمل ¤♤
::

قرات كلامك اكثر من مرة عشان استوعبه ويرسخ بذهني
ومشورتك لي في محلها الحقيقة انا تشجعت من كلامك لانه هذا الي المفروض يصير
وهو شخص ذكي جدا ماشاءالله وحاذق وممدرك لعواطفه عشان كذا احسنت الظن فيه

ومثل ماقلت لي الله يجزاك خير باخذ ينصيحتك وبقول الي قلت لي
والله يجبر خاطري
واشكرك جزيل الشكر على حروفك الصادقه ومشورتك الامينه لي جعلها الله في ميزان حسناتك
ودعواتك

تسلمي.... و ماعليك من بعض الاعضاء' المدمرين..
يعني تسألينهم عن الان.. ويجاوبون لك بالبداية..
ما ادري بعض الاعضاء قد ماهو يظن بنفسه متقدم.. بفكر و تعامل الا انه يثبت
انه اثار التخلف لسى راسخه عنده..
الموضوع مايستحق بعض الكلام.. يعني انا لو صار معي مثل كذا..
وتأكدت انها تعنيني انا لشخصي.. و شفت انها مناسبه لي.. ويكفيني الطريقة اذا كانت باحترام..
فما اشوف شي يمنع.. اما اقبل او اعتذر بلطف.. و ان قبلت لن انتظر...
لان هذا انسان شاريني... لكن بعض الناس تفكيره سلبي..

الناس تختلف...
..
وبالنسبه له ' هو.. اذا كان ذكي ف' فيه اللي أذكى منه..
و اذا كان مستغل فالله مايخليه.. يلقاها اما بنفسه او أهله..

انتي خلص وصلتي لمرحلة نهاية.. ان فيه استمرار او الى طريق العودة..
و خبريناا بعدين بأي مستجدات..

والله ينور لك طريقك..

__________________

::
♤¤ مااضيق العيش لولا فسحه الأمل ¤♤
::

طبيعي اتقبل كل الاراء لانها تضيف لي شي حتى لوكانت سلبيه ومحطمة لي
اخذ منها الي يفيديني بس
اكيد بصير مشتته ومتخوفه وعندي احباط من القادم لكن الله مايضيع صاحب النية الطيبة
حتى لو ظاهر سلوكه سئ

واستشارتي هنا دليل على اني مابي انخدع ولاابي اخطئ اكثر واتمادى
والحمدلله على كل حال
وابي من استشارتي احد يرشدني وبوحهني
وشكرا على دعمك المعنوي جزاك الله خير
ولايهونو باقي الاعضاء🌹