رد: للازواج الراضيين السعيدين المستقرين افيدو
سبحان الله أنا زوجي العكس .. كان كثير راحمني.
مثلاً أنا تعودت إن مسح الأرضيات بالديتول لازم يكون يومي .. وفي الفترة اللي ما كانت عندي خدامة كنت أسوي هالشي .. وزوجي كان يقول لي: ارحمي نفسج مب ضروري كل يوم.
لما كان يشوفني أنظف الحمامات ـ الله يعزكم ـ كان يقول لي: مب لازم تنظفينهم كلهم مرة وحدة .. نظفي حمام واحد في اليوم.
كنت كاسرة خاطره وما كان يباني أتعب في شغل البيت بشكل يومي.
وكان يساعدني في غسل الصحون والجدور عقب ما أخلص طبخ.
ما كنت أكوي إلا ثياب الخروج الخاصة بي وباليهال بس .. أما ثياب البيت أبداً أبداً ما كنت أكويها .. ولما اعتذرت منه بخصوص كوي كناديره قال لي: بعقلج انتي أخليج تكوين الخيم اللي ألبسها؟. 
<------- زوجي طويل وكناديره حجمها كبير وكويها متعب وياخذ وقت.
مع العلم إن أمي (أم زوجي) نظيفة جداً وبيتها يلق فعلاً .. وزوجي إنسان نظيف وملاحظته قوية وما يحب عفسة المكان.
وسبحان الله هالفترة اللي تميت فيها بدون خدامة حسيت بالخدامات واااايد .. وعرفت بشكل عملي إنهن مب بس يتعبن .. لكن يملّن بعد .. وصرت متفهمة جداً لبعض التقصير منهن .. خاصةً إن ما كان متكرر وما حسيت إنه بدافع الإهمال واللامبالاة.
مع العلم إني عمري ما اشتغلت شغل البيت عند أمي وأبوي.
__________________
اللهم طِيبَ الأثر .. وحُسْنَ الرحيل.
23-06-2015, 12:41 PM
ضوابط المشاركة
العرض الشجري