رد: زميلتي تخفي علي افراحها وتشاركني احزانها
قبل ما أقول سالفتي , الله يوفقها ويسعدها ويبارك لها يارب من قلبي لها وكل مسلمة ..
معي زميلة في العمل كانت علاقتي فيها مرة حلوة وظروفنا متشابهة وقد تكلمت عن خصوصياتها وأسباب طلاقها , زيادة على هذا كانت تمدحني في أخلاقي أكثر من مرة وتمدح طيبة قلبي وإذا مريت ما دخلت غرفتها تناديني وتقولي تكلمي أحب أسمع كلامك وأحد المرات أهدتني وصراحة أحرجتني ما كانت فيه مناسة وقالت لي أنا أحبك .. صراحة حبيتها وارتحت لها وأنا بعد حكيت عن خصوصياتي مو بس هي .. باختصار كانت علاقتنا حلوة ومريحة ..
وأسمع من طرف برا العمل إنها راح تتزوج , قلت بنفسي أكيد بتبشرني حتى لو قبل الزواج بكم يوم , ولما غابت قبل الزواج باسبوع , سألت عنها بالواتس قالت لي تعبانة وهللت ورحبت فيني , وبعدها دريت إن الموظفات الي معي بالغرفة يدرون , طيب وأنا
طيب والمدح الي مدحتيني اياه
طيب مادام أنا قلبي طيب على قولتك ليش خبتي عني ؟
خافت أعينها عشانها بتتزوج ~~~ > إذا هذي الحقيقة صراحة مؤلم بالنسبة لي من شخصها هي ..
على كل أنا ما أشعر نحوها بأي مشاعر سلبية وإذا شفتها بالدوام ماراح أتشره عليها , بس أعرف كيف أسحب بدون ما أسئ لها أبدا, بس قلبي ما عاد يحبها زي أول ..
وخذيت درس من الموقف .. والحمدالله الي قدر هالموقف ..
__________________
{ اللهم صلي وسلم على محمد وآله وصحبه تسليما كثيرا }
التعديل الأخير تم بواسطة شيها نة ; 15-06-2015 الساعة 04:06 AM
15-06-2015, 03:58 AM
ضوابط المشاركة
العرض الشجري