وين فانتي ؟ اشتئنا لك يا بنت
.
.
لو اقول لكم شيء اخاف تستنكرونه علي..
تعرفون الخضوع ؟ في الشيء اللي بتكلم فيه .. ما اقصد الخضوع وإنما المسمى الأرقى
احب اشعر بقوته ، بس مو عصبيته
واحب ان اخدمه واستمتع وآنه اغسل ثيابه واكويهم .. مع ان الشغالة موجودة
وعادي عندي اسوي اي شيء يرضيه - بشرط ما يغضب الله -
استمتع بالتفاصيل البسيطة
حتى الفانيلة والصروال .. ابخرهم واكويهم .. مع ان محد بيشوفهم غير احنا اهل بيته
ما اقدر انام واشعر ان بقلبه شيء عليه .. اتدوده .. اشعر بضيق فضيع .. واعتذر منه على غلطي
واستقتل عشان اشوفه يبتسم...
حتى سكوتي عن اهانات زوجته المستمرة صح ما ابي انزل مستواها واتلفظ عليها لأن ضميري بيأنبني بس السبب الآخر عشانه هو.. ما ابي اسوي له مشكلة
صديقاتي يقولون لي ان ابالغ وهالأمر له مردود عكسي وهالأمر مخوفني
مع ان في داخلي مستمتعة واشعر بالرضا والراحة .. وواثقة فيه
مع ذلك كلام صديقاتي يخوفني...