رد: اريد الانصاف من الغلطان انا او زوجتي
بالمناسبة .. تراها لو راحت السوق بروحها بتشيل أكياسها بنفسها .... ما راح تأجر لها حمّالي مثلاً. 
يعني مسألة الاعتمادية اللي إنت تعتقد إنك تعالجها مب صحيحة ومالها موقع من الإعراب.
المسألة ببساطة مسألة ذوق وحشيمة ومروءة.
والمفروض هالأمور تطلع منك تلقائياً.
وبالنسبة للعربانة .. عندنا ثلاث عيال .. وعمر زوجي ما خلاني أدزها حتى لو مب مشترين شي ولا معانا أكياس.
هو يعتبر إن دز العربانة مسؤوليته .. وعيب يخليني أدزها وهو موجود .. بالضبط مثل الأكياس اللي يشوف إنه عيب إني أشيلها وهو موجود .. بغض النظر الكيس ثقيل والا خفيف .. وبغض النظر هو كيس واحد والا عشرة أكياس.
أما في حال غيابه .. فأنا أشيل أكياسي بنفسي .. وأدز العربانة بنفسي .. وحتى إني أسكرها وأشيلها على ثقلها وأحطها في السيارة بنفسي.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 06-06-2015 الساعة 05:57 PM
06-06-2015, 05:53 PM
ضوابط المشاركة
العرض الشجري