تبي نصيحتي انت اعرف بزوجتك وطباعها واهلها اذا هم ناس على قدهم وعايشين ببساطه بتتقبل كلامك ان هذي ميزانيتي واختاري بحدود الميزانية

اذا هي من النوع اللي يتأثر بغيرها ومن امها خصوصاً فنصيحه لاتاخذهم يختارون

لاتاخذها ولا تاخذ امها معاك ابداً لمثل هالمشاوير سواء حددت الميزانية او لم تحدد مايهمهم اللي يهمهم اللي عجبهم يشترونه

وعادي تقعد على البلاط واجمع شهرين او 3 واشتر الطقم اللي شفناه

اذا هي ماجابت طاري تأثيث الشقة ولا جابت طاري من فين بتشتري غرفة النوم ولا المجلس ولا هالامور توكل على الله وأثث بما تراه جميل

ولو ماعجبها وطلبت تغييره مع كامل احترامي هذا فيه قلة تهذيب

ونصيحتي لك جس النبض فقط بسؤالها عن لون غرفة النوم وش تحبه ووش الموديلات اللي تعجبها اذا طلبت الانخراط بالموضوع تماماً الله يعينك

حدد الميزانية ثم خش على الكنب والمطبخ والخ الخ وكل شئ حدد له ميزانية علشان تحسب حسابها ماتطير الى ارقام عالية

مشكورين صراحه على التفاعل و استفدت منكم كيف اتعامل مع زوجتي . بخصوص التأثيث بمذا نبدا ؟ في ناس اشوفهم قبل شراء العفش يبدا في اصلاح او تغيير البيت من ناحيه بويه الجدران , البلاط الاضاءات وغيرها اذا كانت الشقه جديده لا اعتقد ان الموضوع هذا مهم .

اشي الثاني كما سمعت نبدا في الشراء بشراء غرفة النوم بكامل ملحقاتها , ثم بعد ذلك ماذا ؟

وما رايكم بشراء الكماليات والديكورات اذا توفر المال اثناء ثأثيت الشقه

:::

الأدوات الكهربائية ( الثلاجة ـ البرادة ، الغسالة ، المكيفات ) من الغالي الأصلي ، لأنك ربما الأيام القادمة ستنضغط ماديا ، وحين تكون أدواتك غير جيدة ستضطر لتغييرها وتتعبت ، أيضا هي تبقى معك إذا انتقلت لشقة أخرى.

الأثاث خذ من المتوسط ، غرفة النوم ، المطبخ ، المجالس ، وكل غرفة اجعل لها لونا مختلفا ، لأن عمرها طويل بإذن الله

اترك أواني المطبخ والتحف والأشياء التجميلية التكميلية مع زوجتك ، لأن فيها متعة وللمرأة خبرة في هذه الأشياء خاصة أواني المطبخ لأن الرجل لا يعرفها ، وفيها تحبب لزوجتك لأنها تشعر بأن لها رأيا في البيت.


لا تنس أن تشتري ( غسالة الملابس الأوتماتيكية ، وغسالة الأواني ) فهي تغنيك عن الشغالة.

الأسعار الآن لا أعرفها تماما فالمعذرة

وفقك الله ورزقك السعادة والخير والذرية الصالحة وجمع بينكما بخير

__________________