اعرف انهن كثير 8 شهور اختي بس شو اسوي ماقدرت اتأقلم مع الوضع يمكن اضحك على نفسي فبعض الاحيان اقول بتعود بس بمجرد ما التفت حولي اشوف اغراضها وملابسها وكل شي يخصها بالغرفة ترجع حالتي تنتكس اسوأ من قبل .
الحمدلله أختي الصلاة والدعاء هم الي مخليني صابر بطول هالفترة مع انه مافيه اي مؤشرات للرجعة من قبلها بس سبحان الله متمسك بالامل بالله ومستمر بالدعاء مابفقد الامل
اليوم حسمت امري ما بيخليني اتراجع عن المحاولة في ارجاعها غير زواجها فتلك الحالة بنسحب اما دام هي باقيه ما متزوجة فأنا وراها ما بخليها هذا القرار النهائي عشان حبي لها وعشان ولدي .مع انها تبا اغراضها وصك الطلاق وبوديهم لها بس باستمر وراها ولعل الله يحدث بعد ذلك امرا
من يوم صار الطلاق طبعا انا ما خذت الولد عندي كل زياراتي له كانت فبيتهم بس ان شاء الله بعد شهر تقريبا على بداية رمضان باخذه معي كم يوم عشان الوالدة واهلي يشوفونه لأنه من صار الطلاق ما شافوه وعسى يحن قلبها لما تشوف ولدها بعيد عنها