سيدي الفاضل .. الله يسعدك وييسر أمرك ويهدي لك زوجتك ويرزقكم بالذرية الصالحة في القريب العاجل ..

حبيت أعرف كم عمر زوجتك ؟! لأنه كل ماتقدمت الحرمه في العمر تصعب مسألة الانجاب فلازم الأسراع في حل المشكلة لاتتهاون في العلاج صح مو حلوة تجرح زوجتك بس لازم توضح لها رغبتك بالأطفال من حقك عليها انها هيا تأخذ بالأسباب مع التوكل على الله عشان تحل الخلل البسيط باذن الله الي قاعد يأخر الحمل ( الوزن، الالتهابات)
أولا لازم تعالج الالتهابات المهبلية لأنها تأخر الانجاب انت وهيا لأنها مصابة فانت اكيد انعديت منها فلازم اثنينكم تتعالجوا وأمرها بسيط بأسبوع تتعالج بأذن الله منها ..
الوزن الزائد عائق أمام الانجاب كمان بأنه الشحوم تكون مغطية على الرحم هذا الي اعرفه فلازم تشد عليها وتصر عليها انها تنزل وزنها خليها تمشي يوميا وانت امشي معاها بعد ماترجع من الشوترتاح لك كم ساعة كده بدال ماتوديها مطاعم مشيها في سور الحوامل أكلات مالها داعي غير صحية لاتشتري ولاتجيبها البيت أصلا احزم في مسألة الطبخ والتنظيف والخرجات هذه مسؤوليات الزوجة وخدامة لاتجيب خليها تعتمد على نفسها كمان الحركه لازمة لها عشان تنحف .احزم ياأخي في المسأل الضرورية .
يا أخويا لاازم تحدد لها عدد الايام الي تطلع فيها من البيت اذا مهي موظفة مثلا في الاسبوع مره طلعه انت وهيا او توديها عند صحباتها ويوم عند اهلها .
اقطع عنها روحت المطاعم ولاتجيب أكل من بره لو ايش لغاية ماتتعدل لو مالقيت أكل جاهز غصبا عنها بتقوم تطبخ ملابسك تغسلها بنفسها اعطيها ميزانية محددة في الشهر دام هيا مسرفه وقولها لغاية بداية الشهر الجديد ماتسأليني شي عشان تتعلم تصرف بحدود مسؤولياتك من دفع ايجار وديون اهم من الخرجات والكلام الفاضي زوجتك طيبة باذن الله بس انت خليتها تولف فارجع عدل من أسلوبك معاها وان شاء تزبط الأمور .. لاتكتم مشاعرك لو ضايقتك في حاجة قولها وحلها اول بأول احتمال هيا أصلا مهي حاسه انك متضايق من هذي الحاجات لانك ساكت وتلبي بس . ولاتدخل أهلك ماله داعي أمرك بسيط يحتاج بس تعديل أسلوبك والحزم بشكل جاد مع زوجتك بس مع هذا حسسها بحبك وحنانك . هذا رأيي

بالتوفيق