حبيبتي بعدو صغير مع الوقت بيتغير وحتى بتقدري تصيري تقنعيه باشيا
مثلا ابني عمره سبع سنين ما بحب الطبخ كتير ولا البندورة
وبحب الرز لوحده او مع تونة او لبن
فصرت حطلو شوي من الطبخة بازيلا او فاصوليا واطلب ياكل ملعقة او اتنين وبعدين ببلش بالرز وكل مرة بزدلوا ملعقة وقلو كتير مغذي واشرحلو حاجة جسمه وليصير بطل ويكبر وما يمرض وبكافئه بس ياكلهن
مع انو ماشاءالله اي شي تاني بياكل مع عندو مشكلة بس ما بحب الطبخ
وبالنسبة للبندورة باي سندويش ما بحطله
بس صرت البندورة الكرزية اعمل لعبة مين بياكل اكبر عدد حبات البندورة بينه وبين اخواته
فصار ياكل منها ويحبها بس مع السندويش ما بحب ولا بضفله
مع الوقت ان شاءالله بيتغير ابنك وبتصيري تعرفي نقاط ضعفه وتشرحيله انو اللي عم تعمليه لمصلحته مع مكافئة لو شي بسيط

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه