اكرام الميت دفنــه ربي يسلمك مو عمل بوفيه متحرك له
اصلا اقامة سرادق العزاء من أصله بدعه
كراسي وزل ولمبات وقهوه بهيل وقهوه زنجبيل وقهوه قرنفل
باقي قهوه تركي وموكا وشاي منعنش وشاي عدني وعصير عرايسي !!!
كل ماسوينا بدعه استهنا باللي يجي بعدها

والاجتماع في بيت اهل الميت برضه بدعه
الحين الحريم صارن يشترن ثياب مخصصه للعزا
ابيض مطرز بخيوط الحرير
وقدام شوي بخيوط الفضه والذهب !!!

العزاء المفروض يكون عند المقبره او في اي مكان تقابل فيه اهل الميت
وبزمنا هذا ما اسهله مع وجود الهواتف والجوالات لغير المستطيع
بس كيف ؟ الناس وش بيقولون عنا ؟ بيت فلان ماعزونا ؟
لو فيها شد رحال بنشد اهم شي ماننفضح قدام الناس

العزا فيه أجر للمعزي بس المبالغه فيه مالها لزوم
ابحثوا عن فتوى إقامة العزاء في ايامنا هذه للشيخ ابن عثيمين رحمه الله واقرؤا بأنفسكم نص الفتوى

ياخوفنا لايجي اليوم اللي يجازينا ربنا على هالترف والنعيم اللي ماله سنع