يا بنت مافي أحد ضدك هنا لأن مافي أحد أصلا يعرفك بشكل شخصي عشان يهاجمك

الموضوع ومافيه إننا نبغى مصلحتك.

لا تعتقدين إن مكانتك عنده قوية لدرجة يتغير عشانك، الأزواج الآن ما يتغيرون عشان زوجاتهم الأوائل واللي عاش معها شبابه وكانت هي أم عياله

تبغين يتغير عشانك ؟ ليه ؟ شوفيه طلقك يوم تمردتي عليه، واضح جدا وش تفكيره

تبين تظلين عنده ؟ تبين تكسبينه ؟ اكسبي نفسك وراحة بالك

لاتفكرين بالحب والرومانسية (عارفة إنك تبينها وتتمنينها) لكن بالنسبة له هي تفاهات وهو تزوج وحدة صغيرة عشان يجدد ويغير واختارك صغيرة عشان يكون للتجديد معنى وطعم، ما اختاره لأنه بيرجع يعيش عمرك من أول وجديد

تقولين ما أعرف ليش تغير ؟

هو توقع إنه إذا تزوج بهذا العمر بيرجع يعيش رومانسية الشباب وينبسط، انبسط فترة، وخلاص طاح اللي براسه ورجع لرتم حياته السابق

محاولاتك انك تعيشين عمرك معه هي محاولات عابثة مستحيلة، ولو تفاعل معك بيكون الأمر مؤقت

اللي يبحث عنه كرجل في هذا العمر يختلف جذريا عما تبحثين عنه انتي في عمرك هذا

أساسا اللي تبحث عنه المرأة مختلف عما يبحث عنه الرجل، حتى ولو كانوا بنفس المرحلة العمرية

الله يعينك

الله يعين الجميع وربي يصبرني ويهديه لي ويخليه لي ولبنتي .... لدرجه وصل يقول انتي نفسك وصخه قلتله وربي ماهي وصخه الا لما اشوف شي يتنقص ازعل اتضايق ... هي ما تركها بايمها ولا شي عشان كذا لا سوت له مشاكل ولاشي ومافيه ضره ترضا ابامها تروح منها يقول لازعلت رحت ولاتدورين ايام طيب هذا بيتك ليش م تجلس فيه تغيب فتتتره عنه طيب يوم يومين حلت مشكلتك يقولي لا انتي تدورين ع حلها دقي ع اخوانك وخبريهمم

كيف يقول إنتي وصخة يعني وش المناسبة ؟

أختي .. .أنا يوم قلتلك تتمنين الرومانسية والاهتمام ما كنت أحاسبك

كنت أوضح لك إني فاهمة وش تبين، وفاهمة هو وش يبي

هو تزوج يجدد ويغير فقط .. ما كان ناقصه شيء ( وهذا أغلب حال اللي يعددون)

أنتي فكري بعقلك وحاولي تعطينه اللي يبي عشان يعطيك اللي تبين

حركات تقفيل الباب ما تنفع أبدا معه لو انه شاب صغير قلتلك بتعجبه وبيقول تعشقني

هذا رجل كهل يعتبر هذي الحركات محاولة للسيطرة عليه وكسر شوكته


الله يعينك وحاولي تدورين شغل تشغلين نفسك فيه عشان ما يصير هو محور حياتك

اسفه من صاحبة الموضوع بس كلامك فيه نوع من القسوه عليها
صح قلنا ننصح ونتكلم بشفافيه بس مو تقولين لها بعد ماطاح اللي فراسه رجع لحياته السابقه

حبيبتي شوفي
انا زوجه ثانيه والزوجه الثانيه مو ناقصه بالعكس بيدها تخلي حياتها جنه
تبين حياه هادئه وجميله اقطعي سيرتها من بيتك حسسيه يافلان محد بحياتك غيري
تدلعي وانسي وجودها لا تخلينها تكسبه بمشاكلك معاه
مو قصدي تحريض بس كلن يدور سعادته
لا تتمشكلين ولا تتنازلين عن حقك ولو قليل حتى حقك بالمشاعر لا تتنازلين عنها

موفقه حبيبتي واتمنى لك السعادة وراحة البال