رد: هل الرجال هذا تفكيرهم
كسر قلبي.. اطلعت على مواضيعك السابقة وأحب أقولك: اصحي لنفسك يابنت!
مافي أي رجل في الدنيا يستاهل انك تسوي بنفسك كذا فمابالك اذا كان زوج يحتقرك ويذلك ويهينك ويرفع رجله عليكي ويقول "أحطك تحت رجلي" !!!
تبين ترجعين للذل والمهانة؟! تتوقعين لو رجعتي بيحطك فوق راسه؟ لا والله إلا بينفذ كلامه ويحطك تحت رجله مثل ماقال
وعلى فكرة زوجك من النوع الحقوووود اللي ماينسى أي موقف سيء صار بينكم وهالنوع (الجمل مثل مانسميه) ينخاف منه.. وتفسيرك لتصرفاته انه يحاول ينتقم منك أشوف انه صحيح 100%
كيف تستأمنين رجل مثل هذا ؟؟!!
نصيحتي لك سوي مثله انسي كل المواقف الحلوه بينكم وتذكري بس المواقف السيئة والذل والمهانة اللي بدرت منه
انفذي بجلدك منه لا يلعب في نفسيتك أكثر وأكثر ويرجعك ويقهرك بزوجته الثانية عشان يكمل الانتقام
يمكن أخطائك ما كانت كبيرة وحتى لو هي كبيرة المفروض يشفع لك عنده انك كنتي حديثة عهد بالزواج وانك مااستمريتي على الخطأ بالعكس غيرتي من نفسك وحاولتي تتقربين منه.. بس هو لأنه شخص سيئ وحقود مايسامح يكبر هذي الأخطاء ويشوفها لا تغتفر
كملي دراستك واتركي عنك التأجيل .. خذي لك شهادة توظفي فيها وصيري انسانة مستقلة ماديا وعاطفيا
مهما كان بينك وبين زوجك حب ومواقف حلوه.. اهاناته لك ولأهلك المفروض تنسف كل شيء حلو سواه
__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا
31-03-2015, 07:06 PM
ضوابط المشاركة
العرض المتطور