المشاركة الأصلية كتبت بواسطة متطفل

شوف ياخوي ،،، انا ابغاك تدخل على مواضيعي القديمه وتشوف قد أيش كنت معصب وكرهت الزواج وووو ،،،

شوف ياطويل العمر ،،انا بنفس عمرك وزوجتي تقريبا داخله 18 سنه. والله كنت افكر نفس تفكيرك وليش المعامله ذي وليش بس انا وليش اصحابي مبسوطين وزيارات وهدايا وغزل وحب ودلع ومكالمات ع البحر طول الليل وتعى ياحبيبي خدني وروح
وانا زعلااان ومشغل صارحيني منهو انا بدنيتك خذها مني ،،،وربي عارف نفسيتك ،،،، انتا كنت متخيل شي وانصدمت بالواقع وراح تتعلم وراح تعرف انه اللي انتا فيه اسمه اعجاب بس مايسمى حب ،،،انتا تبغى تحس انك زي الباقين ونفسك تتكلم مع زوجتك و تحصل احد يهتم فيك ويدلعك ووو ،،،صدقني الوضع مؤقت ،،،انا قعدت نفس وضعك تقريبا 6 شهور وربي كرهت كل شي له علاقه بالزواج ،،،انا واخوها خلال السته اشهر صرنا اكثر من اصحاب وبيوم قالي ليش ماصرت تجي لبيتنا وتزورنا وقلتله كل شي بقلبي ،،والله مازعل وانه رجال ابن ستين رجال ،،كلم امه وقالت تعالوا عندي البيت ونشرب شاهي ونتفاهم ،،رحت معاه وعرفت الموضوع من طقطق لسلام عليكم وانه كان ابوها محذرها بانها تتواصل معايا او حتى تكلمني وكان فارض عليها بعض الامور وانها ترفض زياراتي ووووو ،،،انا مازعلت لاني عارف انه يبغى مصلحتها وخايف عليها وخصوصا بالزمن ذا ،،واقلك زوجتي كانت رافضه الزواج من اصله وكانت تكره موضوع الخلفه والاولاد ولكن صدقني ،،،قعدت 6 شهور اسال عنها وعلاقتي مع اهلها نفس علاقتي مع اهلي بالضبط وضحك ومزح بيننا فهما حبوني اكثر لاني صارحتهم ومن بعدها كل شي تغير وصرنا سمن على عسل ،،،بس لا اخفيك فيه بعض المشاكل واختلاف في الآراء احيانا ووجهات النظر رشيد طبيعي وراح يصير كثير ،،بس حط الشئ ذا ببالك انتا قدوه لزوجتك وراح تطالع في تصرفاتك وكلامك و مع الوقت تسوي زي ما انتا تسوي
بس في حالتك انا ما اقدر اجزم انتا تقدر تعرف بطريقتك ،،،لمن تزورها شوف تصرفاتها ولازم تتذكر انك شاب غريب عليها ممكن هيا من النوع الخجول ،،، حاول تتقرب من اخوانها وتعرف عنها اكثر وعن شخصيتها ،،،اسالها سؤال مباشر ،،انتي مرتاحه معايا ومقتنعه بالزواج مني ولا لا ؟! إنتاج،تقدر تجمع كل المعلومات اللب تبغاها بطرق غير مباشره وبعدها استخير ربك وباذن الله مايصير الا كل خير