الا والله الانانيه بعينه وراسها!

تقولين حطوا نفسكم مكاني لا والله الانجاب بالذات اكبر سببب واهم سبب للتعدد
وحطيت نفسي مكانك 13 سنه والله بسمحله واسمحله رغم حبي له لكن عذره قوي ويحق له
خلي الرجال يتزوج ولو هو من النوع اللي بينسى العشره ما فكر باحساسك 13 سنه!!

والله انه صادق وجابها
اجل 13 سنه صابر ويداري
ويوم خطب المسكين ضحكتي عليه ورحتي بيت اهلك طالبه الطلاق
بنية الضغط عليه زي ما قلتي!!

اقول خلي الرجال يتزوج ترى بيجيب عيال لك حتى انتي
ويمكن ربي يكرمك وتنجبين قبلها بعد
واذا خايفه كيف بتكون تقدرين ترشحين له بيوت محدده يغلب على ظنك طيب بناتهم

او اخرجي من الموضوع واعطيه الضوء الاخضر" بنفس زينه " يختار هو ويتزوج
يا اختي والله زوجك حرام تكسرين قلبه كذا والله حزنا عليه

هو ما قال بشكل.. بنوع حريم مليت منك ..يبغا عيااااااااال وما صبر سنه سنتين ثلاث زي غيره هذا صابر 13 سنه
لا تشيلين ذنبه..لا تقولين مقدر تقدرين

ربك بيربط على قلبك وتعدي الشهور وتتعودين وتفرحين لفرحه بالعيال
اذا اللي زوجها يتزوج بدون سبب تنسى وتعيش ما قد سمعنا وحده ماتت عشان زوجها تزوج
فما بالك بعذر قوي العيااااال
واذا انتي 31 هو كم عمره مسكين اتوقع اكبر يبغا يلحق يخلف ويربي عياله وهو شاب وقوي

مر على خطبته سنه خلاص المفروض تاقلمتي ولو تم حمل خلال السنه اللي راحت قلنا خلاص
بس الى الان ما حملتي خلي الرجال يشوف عياله ولا تصيرين انانيه

يعني لو وصلتي انتي وياه الاربعين وانتوا لسا ما خلفتوا
ما بيانبك ضميرك انك حرمتيه يلحق كم سنه من عمره!!

توكلي على ربك وهو بيعينك ويربط على قلبك..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

الله يرزقك الدرية الصالحة
لا توقفي العلاج حاولي مرة و مرتين حتى تتوفقي ( محاولاتك قليلة جدا )
في نفس الوقت اهتمي بزوجك و دلعيه كتير

هالموضوع موجع ومتعب نفسياً
بس مع كررررهي للتعدد
لكن مستحيل اوقف بوجهه
ارتكيه خليه يشوف ضناه

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

من حقها ماتكون على ذمته
هي طلبت الطلاق ما منعته يتزوج
كان بامكانه يطلقها ويتزوج
اذا هي مو مستعده للتعدد وش تسوي
من حقه يتزوج اربع ومن حقها ماتكون وحده منهم
وهو اختار

سبحان الله يعني انت عقيمة وهو محروم من الذرية بسببك وكمان ماتبيه يتزوج غيرك
قمة الأنانية والتسلط والسيطرة ،،،،،،،،،،،،. اتقي الله في نفسك كما حرمته من الذرية يمكن الله يحرمك من العافية اللي بجسدك لو تدفعين مال الدنيا ما تعطيك ربع عافية من الله وراحة بال
ويش ذنبه يعيش معك بدون أطفال ويش يجبره إلا غلاك وانت استغلت هالشيء لصالحك فقط
وما تبي نفسيته تتعب !!!!؟؟ كان الله في عونه وثقي بالله انك ما تلحقي خير بمنعه !!!!!؟؟؟؟؟؟
اتركه يتزوج ويعيش حياته والله عليك إثم وأستفتي قلبك وشيخ وشوفي
يا قلبي عليه أكيد نفسيته تعبانه وهو الضنه هين!!!
من يقوم فيه لما يكبر ويشيب ؟؟؟

حركتها هاذي للوي الذراع ..
حط نفسك مكانه .. بتطلق زوجتك عشان الذرية ..؟
هنا انت بتطلع الاناني .. اللي ماهمتك مشاعر زوجتك .. واللي بعت العشرة والسنين وتخليت عنها بسهولة ..
اعتقد اصوب حل انه يتزوج وهي تحافظ على مكانتها في حياته وقلبه ..

ماشاءالله تبارك الرحمن من قرات الموضوع وانا ادعي ان الله مايفرق بينكم وبنفس الوقت ضاق صدري حيل لان طليقي تخلى عني وراح يخطب عشان يجدد نفسه ويعيش شهر عسل جديد لاحول ولاقوة الابالله مع اني ماخيرته بيني وبين طلاقي طلقني فجاءه وراح خطب والان يمكن تزوج وانا اتحسر على حظي وعلى نفسيتي اللي قاعده تتدمر
اختي زوجك هذا لو تعطيه روحك قليله عليه لو تتبرعي بكل اعضاءك قليله عليه تلفتي يمين شمال شوفي شلون الرجال اناناني
شوفي كيف يفكرون بنزوات وينعون بحريم يارب ياكريم ياحي ياقيوم اساءلك ياعالم الغيوب ان كان طليقي خير لي ترجعه لي من غير ان تشاركني امراه معه وان كان شر عوضني بزوج وفي وصالح ويحبني ويسعدني ويفكر برضاي وخاطري يارب لاتحرمني من هنعمه العظيمه وارزق صاحبة الموضوع الذريه الصالحه

اذا انا راغب بشده بالاطفال ولم تترك لي مجال لن اعذبها معي ساترك لها حريه قرارها
عموما لا نعرف نوع العقم عندها
هل هي حاله مستعصيه ام ممكن العلاج

اختي كثير دعيت لك بين الاذان والاقامه بذريه الصالحه الله يبرد على قلبك بشوفة ولدك بين يديناك

اما عن زوجك فالله يكتب اجره ،

ما هانت عليهه الـ 13 سنة و قدمكي على الذرية ،

اما عن انهه يكنسل الخطوبة يوم طلبتي الطلاق فـ ( هذه مافي رجال يسوييها ) بس عشان تعرفين انهه غلاكي عنده مو اي غلا

طيب يا اختي انتي ذكرتي في بداية موضوعك انه التغير كان بسيط ايش المشكلة..؟ تأقلمي

و لا تبين الامور تمشي على هواك..؟

الله يرزقكم الذرية الصالحة