انا زوجتي كانت موظفه وكان راتبها (5000) ريال المهم خليتها أول ثلاثة أشهر تفرح براتبها وتتصرف فيه كيف تشاء لشيء في نفسي ( يعني ابي اعرف كيف راح تتصرف فيه) وطلبتني شغالة وجبت شغالة من راتبها طبعاً وهي تعطي الشغالة راتب في المقابل البيت نظيف والأكل جاهز والملابس جاهزة ، المهم راتبها مايجلس عشرة أيام كل شهر ملابس كل شهر مكياج كل شهر بلايز وتنانير كل شهر ، علماً بأن مصاريف البيت علي والحمدلله وربي ساتر علي الحمدلله من غير ماتتوظف هيه ، بعد ثلاثة أشهر جيت وكلمتها قلت يافلانه ودنا نوفر وندخر ووو أول ماردت سدت نفسي اكمل سواليفي معاها كأنها هي الرجل قالت وفر من راتبك وفلوسك (أركدي) توها ماشافت مني شي ، قلت لها ليه مانتساعد طيب على الحياة راتبك مو قليل رجال يفتحون فيه بيوت ويتزوجون منه وأنتي بصراحه تصرفينه في غير طريقه قالت راتبي وأنا اتعب فيه ، قلت لها طيب أنا ناقصني اشياء كثيرة في البيت انتي ماتطبخيلي وماتغسلين ملابسي ولاتجلسين معاي بوجه زين وجهك تعبان من الشغل ووووو ، المهم قالت والله انا جايبتلك شغاله وأنا الي اعطيها راتب (والله انها تتكلم وترد علي وأنا اتبسم وأضحك أقول والله ماهي عارفه اخرتها وشي) المهم والله بعد ثلاثة أيام قلت لها أنا راح اسافر والله لشرقية عندي انتداب عاد هي وش تقولي وأنا الصباح مين يوديني العمل قلت لها وأنا وش علي فلوسك ووظيفتك ولا علي منك بس طلعه من الباب هذا من غير محرم بيصير فيها مشاكل ، المهم والله وأطلع وأسكن بفندق وأجي يوم الأربعاء بعد الدوام وأدخل البيت والقاها جالسه وأخلاقها صفر طبعاً غياب الأسبوع كامل المهم عطفت عليها ودبرت لها تقرير طبي وراحت للعمل وتصرفت بالتقرير الطبي وعدت لها على خير ،، والله قلت يمكن تعرف انها لازم تحتاجني وتراجع نفسها شوي والله وكأن شيئاً لم يكن ، والله ويمر شهر وأستلمت الراتب وتقلب علي تبي السوق وتبي المحلات الفخمة قلت لها انطقي في البيت بلهجة قويه شوي ، وراحت اتصلت على أخوها ووداها السوق ورجعت البيت وجابت لي عشا معاها على بالها راح تسكتني في العشا ، انا زعلت والله وقلت لها مافيه عمل خلاص قالت ليه وماليه قلت لها مافيه شغل خلاص وأي شي تبينه انا أعطيك إياه وأشتريلك إياه قالت ابي اشتريلي من حلالي قلت لها والمتزوجات الي مو متوظفات كيف يتصرفون قالت والله هم أحرار انا ابي اجلس موظفه قلت لها وأنتي ماعندك زوج تراجعينه سكتت ،، ماودي اطول عليكم ياجماعه المهم في الأخير وبعد المشاكل مشت معاي صح. إن كيدهن عظيم. وسلامتكم ، والله الحريم مايعرفون يتصرفون ويحسبونها صح بس يبيلهم حكمه .

الصراحة هذا الموضوع لم أجد من اوافقه الرأي سوى بوعبدالله

يا جماعة الخير الله يقول ( وقرن في بيوتكن) وتقولون الشغل حسب الضوابط !!!!!

الرسول صلى الله عليه وسلم يفضل صلاة المرأة في بيتها على المسجد النبوي (تذكروا انه بألف صلاة) وتقولون العمل واجب في هذا الوقت

اتمنى من الجميع ان يكون الشرع المحكم الأول والأخير لما نقول ونفعل

وان نمد رجولنا على قدر لحافنا

وكفى بالله حسيبا

اخى لو انا مكان زوجتك كنت جلست بالبيت اراعى بيتى