نعم اوافقك الرأي

مع هذا الكلام..

اي مبادرة من هذا النوع اما انها ستفهم كاستجداء لمشاعره وعودته..

او انها ستفهم كمحاولة للتخريب..

وفي الحالتين ليس من صالحها

لذلك فالصمت مع التروي واتخاذ رد فعل مدروس صارم لاحقا هو الانسب

شكله ضحك عالعروسة الجديدة و انه مطلق و اولاده عند طليقته
او انه متزاعل مع زوجته و هي عند اَهلها

عشان تقبل فيه هذيك و بعدين تنصدم بكذبه
بس حاليا بيكمل التمثيلية عليها و قام لغى أرقامه

في كل الأحوال هو راح يجي غصب عنه

انا لو مكانها
انتظر وانا متاكدة مليون بالمية انه بيرجع
بالفعل كلامك سليم

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

نفس كلامكم !
متأكدة إنه بيرجع
عشان كذا ركزي بدراستك خليه يرجع يلقاك قوية وناجحة وصاحبة قرار

انا اتابع ردودكم باستمرار
صح فيه بعض الردود جرحتني
مثلا انه ماكان يحبني وماكان مرتاح معي وراح يدور وحده يرتاح معها
انا عشت عشر سنوات معه بكل تفاصيله مرت ضروف ومواقف وتضحيات مستحيل عشر سنوات يضيعها معي ويمثل علي انه يحبني ومرتاح معي
ولاتنسون ان قلوبنا بين اصبعين من يدي الله
اللي صار كان فجاءه واذا كان مخطط له فهو من اشهر فقط
انا اللي صار لي ابتلاء والحمدالله على كل شي
والمؤمنون اشد بلوى.
بالنسبه لانتقادكم لاهلي انا عندي اخوان فقط ابي متوفي
واخواني مو صغار فيهم العاقل وفيهم الفاهم فيهم جميع الصفات
ورأيهم ماجا من فراغ يقولون مانروح ندور عليه مصيره يجي واذا ماجا نجيبه عن طريق المحكمه وبالقوه
ويسألون انت وش تبغين عطينا قرارك واتركي الباقي ولو تبغين الطلاق نخليه يطلق ورجله فوق رقبته
بس انا اللي للحين ماعطيتهم قراري
قلت انا بنتظر ابغى زياده وقت انا بديت اهدى وصرت اقوى من اول احس تغيرت اشياء فيني تجاهه
ومابغى اواجهه الحين لاني ماراح اتقبله. وهو بيجي. سوى راغب فيني او مو راغب ووقتها باخذ قراري
والدنيا مو لعب وهو يعرف تماما انه محد بيسكت له طال الزمن او قصر بتجيبه الايام.
تخيلو بروح ادور عليه بمنطقته واقول زوجي وينه انا واخواني والله مايبقى من الدنيا الا هو مارحت وسافرت ادوره ولاحد يرضاها علا نفسه

مرحباً أختي
وأسمحي لي بالعودة مرة أخرى
شدني كلمتك الأخيرة بقولك ... ( تخيلو بروح ادور عليه بمنطقته واقول زوجي وينه انا واخواني والله مايبقى من الدنيا الا هو مارحت وسافرت ادوره ولاحد يرضاها علا نفسه )

وأحببت أن أقول لك ... نعم أنا أرضاها لنفسي ولبنتي ولأختي
عندما يختفي من يحمل إسمه أطفال صغار ... لايعرفون ماذا سيكون مصير والدهم مع والدتهم .
سأبحث عنه
لأعرف ماهي النهاية التي سوف أتخذ بعدها قراراً ... فالقرار سيكون مبني على الحقيقة التي سوف أعرفها .


أعانك الله

طيب يااختي ممكن لا قدر الله زوجك حصله حاجه مثلا

خلي كل الاحتمالات بالصورة احد سحره مثلا عشرة سنين بتروح كده مايستحق الموضوع تروحو تدورو عليه ؟؟
اهم شي الحمد لله اصبحتي اقوى :-)

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

انا من وجهة نظري خلي أخوك الكبير يرسله على جواله الجديد يقوله لو إنت رجال من ظهر رجال تعال قابلنا مو تهرب وتدس رأسك مثل النعامة ...

اخوي امس اخذ رقمي الجديد مني وقال. بيجي بالطيب والا بالغصب
بس ماعرف اش بيرسله