يا حبيبتي أختك شخصيتها قوية وانتي تتعاملي معاها بطريقة فيها ضعف وهي لا تحب هذه الشخصيات
ولما شفتيها المرة الأولى ماعبرتك لا تعبريها .. ليش قاعدة تستني تسلمي عليها ؟؟
زي ماقالك الاستاذ رؤوف تعاملي معها بندية
لا تقعدي تقولي ليش مايعطوني وجه ؟ ليش تعاملني بدونية ؟
هي لما تشوف عندك اهتماماتك ولا قاعدة تسترجي حبها أو مساعدتها أو مدحها
وتعرفي تتعاملي في المواقف بنفسك بدون انتظار رأيها
حتتغير معاكِ
خلي عندك جوك
عجبها كان بها .. ما عجبها بكيفها
والصراحة مااوافق تقعدي تسوي لهم طبخات وحلويات
عندها شغل خليها تسوي شغلها
لا تعرضي مساعدتك الا لما تطلب هي
ولما تطلب لا تسارعي على طول
اذا بغيتي ساعدي واذا عندك شغل او ماتبغي قولي لها لأ
يعني مو شرط كل الأخوات يكون حنيات على بعض
تعاملي معاها كزميلة ( لا صديقة )
وسلمي عليها من بعيد لبعيد
وريحي نفسك وارتاحي
..
بقولك كده عشان اختي عندها نفس شخصيتك تقريبا
بس هي أكبر مني
كانت فترة طويلة تقعد تقول انتي ماتحبيني
انتي بس مع اختي التانية
والموضوع مافيه حب وكره
الموضوع انو مافي اهتمامات مشتركة
وكل ماكانت تقول انتي ماتحبيني وشايفة نفسك
كل ماكنت اعصب وانقهر اكثر
بس بعدين عرفنا كيف نتعامل
قلت لها انا اهتماماتي غير وانتي غير
فلا تلوميني
ولا تقولي لي ماتحبيني لأنها تقهرني أكثر
وأنا احاول اتعامل احسن معاك
والحين الحمد لله
علاقتنا كويسة
..
أهم شي
خليكِ قوية
وبالتوفيق