31-01-2015, 04:17 AM
|
المشاركة الأصلية كتبت بواسطة م زيتون
هذه صحيحة. ذكية. و تستعمل العلم في راسي وحدي انا.
مش عارف آخرته لكن تابعي معي تحت الله يحفظك. دعاؤك. داخل موضوع زواج و موضوع جنون انا. اي عم أتعود انو اعترف. لأنه ما في مفر عندها. بعدين حكتلي انو الخيانة بالفعل و الخيانة انو اطلع للموقع خيانة واحدة لا فرق بينهم و يحق لها الترك من أجله. لكن لن تترك الآن لأنو بتعطيني فرصة أخت روح!!! ههههههههههه ضحكتيني فوق النص ساعة!!! ليش ما حذرتوني اني آخذ ديناصور؟ اسى وقع الفاس في الرأس. أنا قبلان ديناسورها و شراستها ما دامه طبيعي نهز كل شي. و انا كنت في فترة بعدت عنها حتى ادرس خطوتي. آخ بس لو تعرفي بعض منا نحن الرجال شو منضحي من شان هذا رمز المرأة المنتهك في العالم. حكتني هي البارحة بعد انفصال يوم. و بقينا نحكي للصبح ما خلصنا. قرابة السبع ساعات. نزلت فيها حزم و رسمتلها الحدود بالخط الأحمر. ذكية ذكية جدا. يعني كل كلمة تحكيني مقابلها كلمتين بحنكة. يعني بقولها كلامك (ما بتحكم عقلك؟) كان مغلوط و مهين و ما تعيديه. بتقولي عندهم بالمغرب عادي لا مهين و لا شي. بيحكى هذه الجملة عادي طبيعي ما فيها عيب. ثم قولتلها كلامك تستاهل كلام أخبث من هذا ب ست مية آلف مرة ما تفكري تعيديه. فقالت كان قصدي انو لو كان انسان غيرك انت لحتى حكيته كذا أقبح بس لأنو انت انا ما حكيت شي. ثم سألتها عن استدلالها بالحيوان لاهانتي فقالت انت اللي ذكرت الحيوان و مش انا. و انا في خضم الحديث حكيت انو الحيوان هو رفيق الانسان و لا يستطيع ان ينطق ليعبر لذلك معاشرته اسهل من الانسان اللي ينطق. هكذا مبرر الكلام. و هكذا حكت. و انا حكيتها اذا كثير تألف الحيوان ليش ما تعيش معه بدال الزوج؟ فحكت انا ما قصدي أبدل الزوج لكني صريحة كثير و هيك اجاني فكرة عن الحيوان. لكن مش بقول ان هو احسن او شي. لكن بحكي فكرة. بعد بعض المشادات و بعد التمحيص جيدا معاها و التدقيق بكلامها و محاولات اخفاء اهاناتها، حكيتها ان لا تستعمل هذه الجمل بأي احوال كانت وقت الزعل. و أعطيتها إشارات و تهديد لدرجة انها انخضت و بعد انخضاضها رجعنا و ضبطنا الأمور و اتفقنا على كل شي. عبرتلي انها كانت تحاول ان تلطف ردودها لي عن غيرتها لأنها معجبة فيني و لا تريد ان تخسرني و انا ما عبرتها و ما اعتذرت او اعترفت لفعلتي الشنيعة لذلك انفجرت. مشكور لك و تسلم. ما رح استعجل في العقد خصوصة معاها. لازمني افهمها اكثر مثل ما حكوا الأخوة و الأخوات. معليش رح تعب مشاعري لعل يطلع فاكهة جميلة في الآخران شاء الله اي بتحب تجرد كل بنات في الفيس بوك اللي تعرفت عليهم لغرض الزواج. و حقها. و كل المواقع. و لازم اجلس اقضي وقتي معاها بدل اطلع لعند اصدقائي. فصحيح معاك. لكني بالنهاية انا بترك لها شي من التحكم ثم بعطيها دوس او حبة هدوء و باخذ انا القيادة. يعني لو كانت متحكمة رح خفف لها هذا مع الوقت. و التملك خليها تتملك بحقها و انثويتها. و رح راقب الوضع اي شي بيزيد رح حطله حد نبهتها و تقبلت التنبيه و لو بعد جدال ساعاااااااااات ذكاؤها بخليني دايما على أعصابي و دماغي شغال معاها. يعني صنف آخر من النساء اللي ما تعاملت معه قط. اي صحيح. هي بتحاول تحافظ و بشدة حتى ما يأثر فيني شي. مش عارف لكن هذا النوع من النساء انا مبسوط فيه كونه يحافظ و مش يباعد مثل أيامي التعبانة. لكن بشرط بس تلتزم الكلام الجارح (بلغتي) هي مش عارف لكن دخلت الموقع و يبدو انو عندها علامة بيوضحلها اذا دخلت ام لا. هذا مربط الفرس. اتمنى تقري فوق و تقوليلي لو كان اختلاف اللغة هو السبب. اما ذكاؤها وراء اختلاف اللغة لاهانتي هو السبب. هي حكتلي لو كانت بدها تهيني كانت عانتني بكثير من الطرق و الكلمات لكن ما بتهين احد على قولها. و بتقول ليش هي لازم تتنازل عن الكلمات لو كانوا جزء من بيئتها و مش انا أتنازل و أتقبل. حكيتها الأمر محسوم. ما في نقاش حوله. انت عايشة بإقليمي اذن عليك بالعمل بإقليمي. لو كنت عليش بالمغرب كنت اتنازلت انا. يعني بواجه ذكاؤها بذكاء كمان. للصراحة حكتلي هي... من يومين اتصل فيني اخي باليل و رديت عليه و هي علتلفون. بس قلتلها انو كان اخي حكتلي ابعثلها صورة عن لائحة الاتصالات و فورا كمان. بعثتلها بعد مماطلة و اعتقد وقتها رأت اسمها و لاحظت تغييره. هي مش دايما بتطلب هذه الدلائل. لكن تفهمت انا لأنو صاروا اخوتي يتصلوا فيني متأخر لعدة ايام. فيوم من الأيام حبت تطمئن ان الموضوع عادي. قلنا خلينا نطيب لها خاطرها و نريحلها ناقوس الخطر!!! حكتلي عندها مثل سيارات الانذار. بتعمل..... تيو... تيو.. تيو ...... وقت الخطر.... حذرتني و انا قبلت فعلي بالعمل فيه. قصدهم مش نافعة هذه البنت. لكن و الحمدلله عندي صبر و ما عندي تهور بالترك فورا. باخذ نفس و بدرس خطواتي قبل التحريك. مثل الشترانج. بعدين غريب كيف عرفتوا انو هي ما تنفع من مجرد كلام سردته؟ خلوني بس شوف نصيبي معاها و اتعب في بناء العلاقة. ما تنسوا خياراتي محدودة! جبتلكم الجواب فوق. يعني منهاش ساحرة الحمد لله. أخوتي و أخواتي جميعا. شكرا لكم على مشاركتكم. لقد استفدت كثيرا من كل ردودكم. بارك الله فيكم و سهل الله عليكم دربكم السبب اللي وسعت في الرد و الشرح حتى عرفكم على افكارها و كلامها لعلكم تفيدوني بمعاملتها. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري