اختي اهتمام

بناء على ماذكرتي زوجك يختلف عني اختلاف جذري وانتي كذلك لست مثل زوجتي لذلك مااقدر اتكلم عنه بشكل دقيق

وبشكل عام انصحك بالتالي

1- بيني له الاحترام والتقدير ولايحس انك مغروره او شايفه نفسك عليه

2- ابتعدي عن مايثير شكه واذا كلمك عن حجابك سوي اللي يبيه واحتسبي الاجر

3- لاتعاملينه بندية

4- اشكريه على الاشياء اللي يسويها حتى لو هي واجب عليه فالكلمه الطيبه صدقه ومن لايشكر الناس لايشكر الله

5- ركزي على ايجابياته وتجاهلي سلبياته فيما بينك وبين نفسك

6- بيني له محبتك بهديه قيمه او كلمه حلوه خليه يحس بالاهتمام وأكيد راح يبادلك نفس الشي


ولا انصحك بالانفصال وتأكدي ان مافيه بشر كامل


اسأل الله لك التوفيق