اخي بارك الله فيك والله يسخركن لبعض فجر تحتاج للثقة والدعم وخاصة منك اخي احمد
بعرف انا وغيري بيعرف انو كل اللي عم تساويه لمصلحة فجر بس هيي ما عم تعرف هالشي وعم بتظن انك عم تلغي شخصيتها ورأيها
فجر عندها ميزة وبنفس الوقت بتنعكس عليها سلبا وهيي طيبة القلب الزايدة
وفجر عم بتمر بفترة كآبة وبخليها تشوف كل شي اسود وعم بتموه عن نفسها بالتسوق وللحقيقة مش تسوق بل مرض مزمن انو اصراف وتبذير فوق الحاجة وفوق الطبيعة لذللك اخي بحاجة فجر لمساندتك ومساعدتك بطريقة تحسسها انو بيعتمد عليها وبنفس الوقت يكون في جلسات مصارحة بدون صراخ او عصبية اعتبروا انكم اصدقاء وكل شخص يعطي وجهة نظره مثلا بموضوع الشراء ذكرها انو الانسان ما لازم يحرم نفسه وبنفس الوقت مش لازم يبذر لانو ربنا ما بحب المبذرين وذكرها بالناس والاطفال اللي ما بيملكوا بيت يأويهن ولا طعام يسد جوعهن ولا لباس يكسيهن ازرع فيها الخوف من رب العالمين بطريقة محببة ولك الاجر اخي عند الله
وكمان وضحلها انو الملابس الماركات استغلال للناس وبنفس الوقت في محلات بنفس الجودة وبسعر اقل
وعندها نظرة انو الناس بتربط قيمة الشخص من لباسه وقيمة ملابسه بالعكس اشرحلها انو اللي بفكر هيك تفكيره سطحي والانسان اللي بدو يقدرني لازم يقدرني لشخصي مش لماركة ثيابي والا بيكون عم يضحك عليي
واهم نقطة اخي اذا بتروح لعند دكتورة تعطيها حبوب للكآبة كليا بتتغير نفسيتها وتفكيرها وبصير عندها حب للحياة وبتقل حساسيتها لانو ممكن وصلت لمرحلة الكآبة المزمنة وهالشي شو ما عملت ما بتحس بطعم الحياة اما بس تتعالج من الكآبة ابسط الامور واصغرها بتصير تسعدها
اسأل الله ان يرزقكم السعادة وراحة البال ويسخركن لبعض
فجر انسانة طيبة كتير بس بحاجة لتعزيز الثقة بالنفس
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه