المشاركة الأصلية كتبت بواسطة مرح الابتسامة

هلا اشغلتني دنياي عساها ماتشغلك الا في طاعة الله عزوجل

انا عشقي لديرتي دخلت بمعرف جديد

والله حبيبتي بالنسبة للقهوة اللي تسك راسي يمكن ماتسك راسك

بقول طريقتي وانت لك الخيار ..تحطين بالبراد حق القهوة احنا نقول له براد فنجالين من البن بس

ماتمليها كثير يصير كانه جبل فوق الفنجال لا ..ونص الفنجال هيل او اكثر شوي وتحطي عويدي

ربع ملعقة الاكل ..وملعقة اكل حليب مجفف.. وكم قطعة صغيرة من القرفه ثنتين او ثلاث ..

وتصبي المويه المغلي عليها وتحطيها ع النار لحد ما تغلي كذا مره ...وتكوني حاطه زعفران

بالثلاجة حقت القهوة وتصبيها عليه طبعا تصفينها بالمنخل ...احياناً اضيف خلطة القصيم

علشان اللون فقط والا الطعم ما احس لها طعم على القهوة ... وبالعافية

ملاحظه الكمية اللي قلت عليها تعبي الثلاجة اما اذا انت وزوجك فقط قللي الكمية لحد ما تضبط

معك