حبيبتي انتي ماطريت الطلاق.. ولو كان وارد بعقلك خليه اخر الحلول

اذا حسيتي نفسك مستنفذة ابدي فكري فيه..

ببيتك لك قيمتك وحرة وقراراتك لك... بس هل هو حكي نقوله ونعزي نفسنا فيه ونشوف نقيضه؟

استمري عزيزتي.. لكن ارجوك بقوة بقووة لانك راعية حق!

والعمر يركض وانتي بعدك.. تصرفي بذكاء ولاتجربين كثير

موضوع الرضاوات عن نفسي جدا مايقنعني.. يشترون الخواطر والكرامات بسفرة ومبلغ؟ تنبهرين وقتها واللي بالقلب يقعد بالقلب وتحترقين ونفسيتك تتعب لان الجرح مايبريه ماديات وانتي عارفة قصدي كويس لانك استوعبتي الصدمة بعد بفترة

بيتك حافظي عليه وحاربي عشانه بس لاتستهلكين نفسك... انتي انولدتي عزيزة وبنت رجال

لاتضيعين تعب نفسك واهلك فيك.. لانك تستاهلين الافضل

الانثى لما تبدا تذبل بعد كل التضحيات وتروح صحتها.. اول من يدعس عليها رجّالها!

الحد اللي تخافين توصلينه حطيه وارسميه براسك عشان الصور توضح لك.. والفرص اللي لمالا نهاية تضر وماتنفع

حطي نفسك اولوية دائما لانك ماراح تتحاسبين على شي هو يسويه.. انتي محاسبة على نفسك

ومرة ثانية اقولك صحتك صحتك صحتك لان ماحد بينفعك لاخسرتيها..

بالتوفيق والله ينولك السعادة اللي تتمنينها ويرزقك كل جميل ❤️