توق


لما كان عمري 15 سنه ضربني زوجي كف على وجهي
وسمعت الحريم كانوا يقولون اذا سكتي عن الضرب فأن الرجال راح يتمادى ...


فزعلت ولميت عفشي ع اساس بروح ههههههه
وقمت اتصلت ع ابوي وانا ابكي ولما جاء قلت له فلان ضربني كف وانا خلاص ماعاد ابغاه جلس يضحك ويقول ناديتيني من بعيد ومجهزه الشنطة عشان كف !!
روحي بس ارتاحي ويافلان مرا ثانيه كفخها مضبوط خخخ
وجلس يضحك هو وياه ، حسيت نفسي وقتها حقدت عليه =|

ويوم كنت حامل تركني عند اهلي شهر كمعاقبة لي ...
لأني تغيرت بوقت الحمل وماكنت ادري ان ذا هالشيء كان بسبب لخبطة الهرمونات وكذا ...
وقلت لهم ان فلان تركني وصرت اتصل عليه وابكي واترجاه يسامحني وكان يسفهني و يقول لي خلاص انتي ماتسويين عندي شيء وانا بفكر نكمل ولا نواصل مع بعض ..
انا انجنيييت من كثر ما احبه صرت بس اتصل فيه وهو مايرد علي او يسوي لي حركة تجرح ، وابوي لما عرف قال اثقلي وان عرفت انك اتصلتي عليه بضربك ، وانا مطنشه .. لأنه اذا كان اليوم معي فبكره هو ضدي ...

الخلاصة ماني ضامنه نفسي لا مع ابوي ولا مع زوجي
محد بينفعني كثر ما انا انفع نفسي ولهذا السبب انا قاعده اكمل دراستي ..