السلام عليكم ورحمة الله
قريت المشكله طويله جداً اسأل الله ان ييسرها لك ويهدي بالكم
زوجتك هذي تمثلني في كل شي وفي كل المشكله مع اختلاف طباعي يعني ماادخل احد ولا اتحرض من احد ومااصمت كثير بل العكس زوجي هو الصامت وكمان عدم استقلالي مادياً عن زوجي
بس تقريباً لب المشكله حاسه فيها وهي معقده ماراح تنحل في يومين ولا ثلاثه كمان تعاملك مع المشكله خاطيءجداً من غير قصد اي انك تتعامل معها من جرف لدحديرا رغم طيبتك وتعاملك اللطيف مع زوجتك
ماابغى اشربك الموضوع عندك زياده واملي عليك وش تسوي والخبطك زي بقية الاعضاء بس حبيت اعطيك فكره ان تصرفات زوجك واضحه بالنسبه لي واذا تبغى تحافظ ع بيتك وماتدمر عيالك نفسياً وتشتتهم
اول تصرف تسويه تقفل المنتدى ذا مع كثرة الاختلافات والشخصيات وردات افعالهم لانك الحين صرت زي زوجتك تستعين بناس في مشاكلك بس الفرق هي اهلها وانت ناس من برا تختلف نفسياتهم وشخصياتهم وظروفهم
عموماً قفل الموضوع واقدح من راسك لو تصرفت تصرف قالوه غلط بتندم طول حياتك وهم بيكملون حياتهم طبيعي
روح مكه اعتمر واطلب الله اقرا سورة البقره والله ان كان عندي نفس الشي وقريتها وتلاشى بقدرة الله التجافي الي بيني وبين زوجي الله يديمها اكثر استغفار خل الامور تمشي ع طبيعتها ولاتفكر كثير بلا استغفر وقوم الليل وادع كثير وشوف كيف حياتك تضبط