زوجي يحن لعلاقه من الماضي
سلام عليكم
اني تزوجت قبل 4 اشهر بس حاليا" زوجي مسافر للسويد لان هو اصلا" عايش هناك… اماا اني ان شآء الله بعد ماتخلص اوراق دعوتي اسافر وراه ،،اما مشكلتي زوجي قبل مايتزوجني جان عايش قصه حب 5 سنوات مع بنت .............عايشه بالسويد وتركها بعد ما خطبها لان هي منطيته كل شي قبل لايخطبها ، اسفه موقصدي احجي ع البنت بس حته تعرفون ليش تركها ،، اني طبعا" هالحجي كله عرفته بعد الزواج ،، وحاليا" زوجي ماناسيها لان موسهله حب 5 سنوات ينسي صح يحترمني بس مايحبني وطلب مني اتقرب منه واخلي ينساها واني صح بعيد عني هو بس مو مامقصره وياه رسائل وكلام حلو ومكالمات ومهتمه بيه دوم احجي وياه وامدح بأهله كدامه وسويت هواي شغلات علموده وغيرت بنفسي هواي بس حته يعجبه وصليت صلاه الاستخاره وقريت سورة البقره ودائما" ادعي واستغفر امسلمه امري ل الله بس هو لسه ماناسيها بس اني متاكده بمرور الايام راح ينساها و واجبي اصبر صح صعبه بس لازم اخلي يحبني الله يخليكم ويسعدكم انصحوني اني لسه صغيره بالعمر وماعندي خبره اشلون اخلي يحبني وينساها
تم تعديل العنوان ليتناسب مع المضمون
التعديل الأخير تم بواسطة مدن السلام ; 13-11-2014 الساعة 10:22 AM
12-11-2014, 08:03 PM
ضوابط المشاركة
العرض الشجري