12-11-2014, 12:14 PM
|
المشاركة الأصلية كتبت بواسطة الجوري الحلوة
انا مؤمنه اشد الايمان ب مقولة السلف الصالح كنت ارى اثر المعصية في خلق زوجتي و دابتي
لو نعمل بها اختصرنا الكثير بمشيئة الله .. لكن غالبية الناس ان قلنا لهم هالكلام قال انا ماعندي ذنوب وهو يأخر الصلاة و يغتاب و وو.. كانت أسماء بنت أبي بكر رضي الله عنها تُصدع ، فتضع يدها على رأسها وتقول : بذنبي ، وما يغفره الله أكثر . أي أنها ما تُصاب إلا بسبب ذنبها . فما بالك ب نحن .. اكاد اضمن لك و للكثير متى ماسعينا في اصلاح العلاقة بالله و طلبنا رضاه سيرضينا الله بكرمه و رحمته دامها كانت نعم الزوجة المفروض ماوديتها بيت اهلها لان انت عارف انها بتجي الفندق لارتباطها بالدوام و اخوها عنده دوام وارتباط يعني انت عارف النتيجة فلا تستغفل و تقول وديتها بيت اهلها فلو تعترف بغلطك بس .. وبعدين انت ولي امرها بامكانك احضارها للبيت من اول مرة ومنعها من الفندق .والا ليش القوامه للزوج. وبعدين باقرب فرصة تنادي اخوها وتتفاهم معاه بدل هالتشتت اللي حطيت نفسك فيه الطلاق اللي هو الطلاق الله قال و لاتخرجوهن من بيوتهن و لا يخرجن .. وانت الموقف اللي سويته راح يحسب ضدك. لانك وضعتها في موقف محرج.. كان الاجدر تحرجها بتعاملك وتصرفك.. بعدين الاجدر كذلك ماتروح مع السائق لحالها لانه خلوة تأديب المرأة الناشز مذكور في القران اولا الموعظة ثانيا الهجر ويكون بعدم الخروج من المنزل وربما بعدم النوم خارج الغرفة ايضا بعضهم يهجر ويقول مانفع .. وهو ماقدم اصلا اخلاق حلوة و اسلوب جميل فتقول الزوجة فرقاه عيد فما يكون للهجر قيمة واخيرا الضرب الخفيف .. سبحان الله ربنا هو خالقنا و هو العالم بالنفسيات والحل من القران لكننا بعيدين عنه طبعا اعرف ان الكلام هذا ما راح يعجبك اطلاقا لكن اردت ان ادلو بدلوي |
12-11-2014, 02:18 PM
|
المشاركة الأصلية كتبت بواسطة الـــوحيد
1_ ابدا كانت نعم الزوجه بصراحه من جميع النواحي مع اني تعرفين الشاب اول زواجه يكون قاسي نوعا ماء خاصه بمجتمع مثل مجتمعنا يعني من كثر التوصيات لاترخي الحبل وخلك شديد وخلك وخلك وانا تزوجت صغير وماعندي خبره فـ طبيعي راح اسمع صوت اللي يدعون الخبره
ومع هذا كانت صابره محبه وحنونه وكل صفه حلوه موجوده فيها بس لما انا عرفت ان الزواج مو هواش واوامر ولنت كثير عن اول ماتزوجت وكثرت اختلاطها باقاربنا الموجودين بنفس المدينه اللي اعمل فيها زادت عندها حالات المقارنه يعني ليش هم بيتهم كذا مثلا وانا لا ليش هم الذهب .. الخ من هالمقارنات لان اقاربنا الموجودين عندنا من اصحاب الملايين الله يرزق كل مسلم ويزيدهم فـ صارت تبي تكون مثلهم المهم كنت افهمها كل مره ان هذا ارزاق والله سبحانه هو موزع الارزاق وكان الموضوع ينتهي ويتجدد بكل زياره المهم كنا نتجاوز هذا الشي وعشنا ولله الحمدلله بسعاده على الرغم من بعض المنغصات اللي مايخلى منها اي بيت لكن الحقيقه بنت الحلال كانت متربيه نعم التربيه مااذكر انها رفعت صوتها وكنا حتى بالاجازات اذا رحنا لاهلنا ونزلتها عند اهلها يومين وتتصل متى تاخذنا نروح بيتنا ماتبي تجلس وبدا الامور تفلت شوي شوي وصارت تركز على شغلها اكثر وعصبيتها زادت وكانت اول ماتزوجنا تشارك في البيت حتى انها كانت معطيتني بطاقة الصراف تقول انا مااطلع الا معك ومااحتاج البطاقه وكنت اذا بغت شي تقولي اصرف لي كذا وماانكر ساعات كنا نروح لمحلات وتشتري حاجات للبيت وانا كنت بوقتها عادي يعني ماادقق فلوسي والا فلوسها ويمكن اكون غلطان بس هذا اللي حاصل لانها نفس الشي كانت تفتح محفظتي وتاخذ اللي تبي حتى وانا مدري او نايم وعادي الوضع وجتني مره وقالت عطني البطاقه فجأه كذا قلت طيب واعطيتها والوضع عادي عندي لان الحمدلله راتبي مكفينا وزياده وزادت العصبيه والغيره بدرجه لاتطاق وسبق اني تكلمت عن موضوع الغيره على الرغم اني حتى بعض القنوات مااحاول افتحها لان مثلا مذيعاتهم حلوين وعشان ماتصير بقلبها او تفكر اني فاتح هالقناه عشانهم اتجنب هالشي وحتى جا يوم اللي تكلمت عنه الطلاق والقصه سبق ذكرتها ومن هذا اليوم وانا بعذاب اما الشك نعم كانت تفتش بالاوراق وبعد ماطلعت الجوالات كان اذا جاني اتصال بدون اسم تقرب عشان تسمع هو صوت رجال والا بنت ومن هالحركات اما الاعتراض هي معترضه على كل شي يعني اي شي اقوله لازم تعترض عليه اما عن خواتي فـ حدث ولاحرج كل مصيبه لازم اخواتي لهم ظلع فيها لدرجة انها كانت حامل ومات الجنين قالت اختك فلانه هي اللي حسدتني وموتت الطفل !! هي اصلا كل شي تسويه يكون للعمل ماعندي شغله طول اليوم الا لعمها بس بالبيت تشتغل للمدرسه نطلع نروح اما لخطاط او مكتبه او محل هدايا للطالبات يعني كل شي للمدرسه بس اما الشكوى يااختى اصلا مافيه مجال تشتكي متى نتكلم عشان تشتكي اما تشتغل واما نايمه واما طالعه كنت اطلع لمحلات قمصان النوم وخلافه اشتري اللي نفسي اشوفه عليها يجلس بالدولاب ولااشوفه |
12-11-2014, 03:15 PM
12-11-2014, 05:56 PM
|
المشاركة الأصلية كتبت بواسطة نسياان
الرسالة الأصلية كتبت بواسطة أبو حكـيم مشاهدة المشاركة
يحللون لك الأسباب وأسباب الأسباب كون المرأة بنظرهم ملاك لا يخطئ وأنت أيها الرجل مخطئ دائما حتى لو اتهمتك بشرفك وطبقت وهمها على واقعك وستعلم بعد رحيل العمر بأنك كنت تطارد خيط دخان . الرسالة الأصلية كتبت بواسطة أبو حكـيم مشاهدة المشاركة أخي الكريم الوحيد .. لا زلت عند قناعتي السابقه أن تغير زوجتك مؤقت والله أعلم . واضح أنك تحب زوجتك ولا زلت ترغب بها ولم تفقد الأمل بصلاح حالها إبراءا للذمه لي ولك , أقترح عليك أن تجلس مع زوجتك جلسة عاطفية رومانسية مليئة بالحب والمشاعر الجميله , بعيدا عن المشاغل اليوميه وإزعاج الأطفال وكل الملهيات من تلفزيون وجوال ونت وغيره حاول أن تجد ظروفا مناسبة سواء داخل البيت أم خارجه لتجلس هذه الجلسة مع زوجتك . سأحاول أن أعطيك خطوات عمليه لهذه الجلسه , ولعل الأخوات الكريمات يضفن بعض الأفكار الجميله كونهن أعلم مني بهذه الأمور وبالإسلوب الأنسب آمل منك قراءة التالي بتركيز .. - إشتر لزوجتك هدية .. مثلا عطر تحبه , وغلفه بشكل لائق وارفقه بكرت واكتب عليه إهداء جميل بكلمات لطيفه بدون إطاله - جهز نفسك كأنك عريس - ببداية الجلسه قدم لها الهديه - إجلس أمامها وجها لوجه ( طوال الوقت .. أنظر في عينيها , واحرص أن يكون هناك تلامس جسدي يدك بيدها أو يدك على خدها أو لامس شعرها ..... نوع باللمسات والحركات خلال الجلسه ) - كن هادئا ومبتسما طوال اللقاء ولا تنشغل عنها بشيء - إبدأ الكلام .. فلانه ( إسم الدلع ) أنا أحبك وأغليك وأنت حبيبتي وحبي الأول والأخير - أنت زوجتي وأم أولادي وشريكة حياتي , ولا أتخيل حياتي بدونك , والله لا يفرق بيننا - أنت فرحي .. فرحت كثيرا عندما خطبتك وتزوجتك , وحمدت ربي أنك لي - أنت التي أتمنى أن أعيش معها باقي عمري , واسأل الله أن تكوني زوجتي في الجنه ( ركز على كلمة أنت فلها تأثير إيجابي بالنفس ) - حبيبتي .. تزوجتك ووافقتي علي .. لنريح بعضنا ونسعد ببعضنا لم نتزوج من أجل أن نقهر بعض ونكيد لبعض - حبيبتي .. شعرت عندما جاء والدك كأنك اعتذرتي لأنك خائفة من أبيك ولا أدري إذا كنت مقتنعة بي أم لا - حبيبتي .. أنا لا يرضيني أن تعيشي معي لأنك مغصوبة أو لأنك خائفة من أحد أريدك أن تعيشي معي بكامل حريتك وإرادتك - أعدك بأن كل ما تقوليه يبقى سر بيننا , حتى لو كان قرارك بعدم رغبتك العيش معي ( ومستقبلا إحفظ عهدك مهما حصل ) - حبيبتي .. تكلمي وقولي كل ما تودين قوله , ما هي ملاحظاتك علي وما الذي يكدر خاطرك ولماذا هذا الجفا ...... - كلي آذان صاغية لك ولن أقاطعك أو أسخر من كلامك , مهما قلتي وسأنتظرك حتى تفرغي تماما . دعها تتكلم وتتكلم وما عليك سوى الإستماع والمحافظة على هدوئك مهما قالت , ولو أحببت سجل ملاحظات لك أنت بورقة خارجيه وبعدها ناقش كلامها إما بينك وبينها , وإذا أحببت أن تأخذ مشورتنا نحن هنا في خدمتك . المشاركتين للاخ الفاضل أبو حكيم أتوقع هو اكثر واحد قدر يفهمك ويستوعب مشكلتك مع احترامي لباقي الاعضاء |
12-11-2014, 07:32 PM
12-11-2014, 08:02 PM
|
المشاركة الأصلية كتبت بواسطة رائحة البخور✨
اخ وحيد ممكن تحط لنا بنقاط اهم النقاط الي تبي تثيرها بكره بالمواجهه مع زوجتك
|
12-11-2014, 08:03 PM
12-11-2014, 08:35 PM
|
المشاركة الأصلية كتبت بواسطة الـــوحيد
1- الاستئذان
2- ابي اغير رقم جوالها ويكون بس لمحارمها ولزميلاتها وبما انها تكلف باعمال للمدرسه فـ يكون الاتصال على اي احد غير المحارم وزميلاتها واهلها من تليفون المدرسه او جوال المدرسه 3_ مافيه جوال بالبيت مقفل برقم سري لاانا ولاهي 4- مافيه كلمه تطلع برى البيت اقصد مشاكلنا تتم ببيتنا ونحلها حنا 5- تقوم بواجباتها بخصوص العيال وخاصه ترويشهم لاني مدري الشغاله وش تسوي معهم بالحمام لحالهم انا كتبت نقاط بورقه شايلها بالغرفه اذا فيه شي تشوفون اناقشه ومهم قولولي تكفون |
12-11-2014, 09:11 PM
12-11-2014, 09:17 PM
|
المشاركة الأصلية كتبت بواسطة سماء العدالة
تصدق الليلة واسئل ربك تفريج همك وصلاح حالك
واسئل ربي أن يلين قلبها لك ولبيتها ويردها ردا جميلا , وأن يصلح شأنكم ويخزي شيطانكم. |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
