أبويا يقول خلاص أرجعي..يمكن يتزوج ويمكن لا.
وإذا تزوج صدق ذيك الساعة نقول وين البيت اللي
تقول بحط لها بيت لحالها..
وش أرد علييييه.

انا اشوف لو اني مكانك وهذي ظروفي وما اقدر انفصل راح ارد على رسالته بكلمتين الشرع حلل لك اربع والله راح ينقهر لانه على باله لو قالك كذا بتموتين قهر وارجعي دام عيالك هم أهم شي عندك ولو فعلا تزوج اعتبريها فرصه وجات لعندك اشرطي عليه كل شي بيت خاص فيك طلعه نهاية الاسبوع لك ولعيالك ومصروف لك ولعيالك تبغين تتوظفين مثلا اشرطي عليه ما يمنعك من الوظيفه وكل حاجه كنت محرومه منها بسببه اشرطيها عليه لانه ممكن يلين شوية مع الزواج ....وبعدين يتزوج ولا يجلس يخونك انت في كل الحالتين مقهوره منه سواء خانك او تزوج فأفضل بالحلال ولا بالحرام ....... بعدين لو دورتي على وظيفه والله لتنسينه وتقومين في عيالك من الناحيه الماديه لو كان بخيل وتستقلين بحياتك وبعدين بكيفك تبغينه برستيج قدام الناس او تنسحبي من حياته وتأخذي حضانة أطفالك ووظيفتك تعزك عن الناس ..

هل ستتحملين الطلاق والحياة بدون أطفالكِ؟

__________________


اللهم طِيبَ الأثر .. وحُسْنَ الرحيل.

خواتي أنا أمووووت بعيالي...وبنفس الوقت أبي الطلاق..وأدري أني ظروفي
ماتسمح لي بالطلاق..ﻷني ماني موظفه..وأهلي مايبون الطلاق..صحيح أبوي ماغصبني
ع الرجعه.قال بكيفك..بس قال تبين شوري أرجعي..قلت له كيف أرجع
وهو ماحط لي بيت لحالي..برجع عند أهله..قال هو يقول بتزوج..
للحين ماصار شي..وأذا فعلا تزوج خلاص بقوله وين كلامك تقول
بحطها بيت لحال..بس أنا كارهه أني أرجع بدون شروط..
أخاف يكذب علي بالبيت بعدين..أنا ماأثق فيه أكبر مخادع وكذاب
أبي ضمان منه ..لمنه تزوج صدق ينفذ لي كل شروطي..

مساء الخير ع الجمييع..جديدي هو..أني رجعت لبيتي وعيالي ولله الحمد.
بالنسبه كيف رجعت..بس مجرد ماأرسل لي هذيك الرساله..رجعت..

خلاص اختي افتحي صفحه جديده

طبعا ماقدرت ارد ع رسالته.لانه حاضرني.فهو أرسل الرساله.
قال إذا تبي ترجع تجي مع العيال لمني خذيتهم..طبعا هو متوقع أني أطلب طلاقي.ﻷنه هو ربط عودتي بزواجه..فرجعتي.كااانت صدمه له وﻷهله.
كانو يخططوون ع تفريقنا أنا وعيالي..وتزويج ولدهم..المهم لمن دخلت
البيت.سلمت ع أهله.وصعدت لشقتي.وبديت أنظف.فهو جاني وقف قدامي
وقفه تحمل معاني الشر..باس راسي وقالي الله يبارك بتس.سكت بكل بروود..كملتي شغلي وكنت أعلك علك..بسوي نفسي أنه ماهمني
هو ينتظرأني أنهار..بس الحمدالله الله أعطاني قوه..ورجع مره ثانيه لمي
ومسك يدي وباسني.قال تبقين اﻷوله وخليك عاقله..سكت .ماقلت شي..
وكملت شغلي..وأنا أضحك مع عيالي أبي أقهره..وهو جالس يطقطق بجواله عندي بيشوف أنا أبكي أو أنهار..
المهم أنا سويت نفسي كنه ماهمني..وأضحك وأسولف مع عيالي.
وهو إذا سألني كلمه ورد غطاه..لين جاء من بكرى..
وشاف أني متشيكه..وهو أصلن طبع بي دايم الحمدالله مرتبه وكاشخه..
..هنا هو قام يتقرب مني..وأنا مطنشه..ويحاول ونفس الشي..
قالي أبد ع كيفك ماأغصبك ع شي..
وهكذا..يحاول فيني وأنا مبررررده..
ليين جاني وقالي..شوفي ياأم فلان
العرس منتهي منه..ولا أبيك تزعلين.
وأنتي الاوله والغاليه ومن هالخرابيط..
وو أنا مريت بظغوط وظروف أجبرتن ع هالشي..لاياشيخ صدقتك
يقول أبوي يزززن ع راسي ..أعرس أعرس..
وأنتي صبرتي علي كل هالسنين..وأنا ظلمتك ومدري أيش..وحقك علي.
وأنا غلطااان..ويبرر لنفسه من هالصواريخ.وأنا ساكته..
قال تكفين سامحيني..وقام يبوس رجليني..
قلت مدام أنك تدري أنك ظالمني.ومقصر بحقي بكل شي.
ومحسر بي وخايني..تقوم ألحين وتكافأني بزواج..
أنا ماهمني تزوجت ولا لا..بس أنقهرت من الطريقه..
خنتني ويوم كشفتك سحبت العيال مني.وكنت أنتظر
تجي تعتذر..وتسحب علي..لين حنا جبناك لصلح.
وحتى يوم جبناك..تقول مافيه حل ألا أني أعرس
أي ظلم هذا..إذا أنت ماهمتك مشاعري..تراك انت ماهميتني
ولا راح أنزل دمعه من عيوني.ولا عليك حسافه.
قال من حقك كل اللي تقولين..بس تكفين لاتشيلين. بقلبك علي.
قلت كل اللي سويته..وماتبيني أشيل..
المهم..قالي لك اللي تبين.وأنا أحبك..
المهم هو يحاول ..وأنا ساكته قلت له بكيفك
سو اللي تبغاه..قال لا..إذا أنتي ماتبغي أنا ماأبغى
....آه بس لهدرجه أنا هنت عليه...
يبي يرضيني بفراش...ليش أنا حيوانه مالي أحساس
يبيني أرضى بكل سهوله..ولا كلف ع نفسه
يجيب لي رضوه أو هديه..مايكفي أني رجعت
بدوون شي...قولو لي يارجاال ويانساء
ماهو التصرف الصحيح معه..كيف أعامله
بعد اللي سواه..تعبت تعبت دمرر نفسيتي.

كيف أفتح صفحه جديده وأنا مطعونه..ولا يبي يتزوج
وهو أصلن مقصر معي..كيف أنسى اللي سواه

حتى ماقالي أنه بيحط لي بيت لحال..نفس اللي قاله ﻷبوي
أخااف يوم شافني جيت عنده يتراجع...
مع أنه قال ﻷبوي..هي له بيت لحال..
وأنا للحين ماقلت له شي عن البيت.وعن شروطي وطلباتي..
مادري الحين أقوله ولا إذا ملك..ماادري

ياربي تععععبت...يارب قوني..صح أني تقويت يوم يومين
بس بديت أضعف..مابيه يحس أني ضعفت
وأني أنهار علشانه..كيف أخفي حزني..