بختصر عليك الموضوع واجاوبك ليه نبيه يكون رومانسي لان الدين المعاملة ولان الكلمة الطيبه صدقة ولأن الرسول عليه عليه الصلاة والسلام كان ياخذ الوعاء من عائشة ويشرب نفس مكان فم عائشة عليها السلام .. هذا وهو رسول وعنده من هموم الامه اللي مو عند غيره كان يتلطف عليه السلام مع زوجاته .. تخيل ان مكانة الكلمة الحلوة والطيبه بمكانة الشخص اللي انفق من ماله .. كلمة مجانيه ومو مشروط النيه فيها يعني ما قال الرسول عليه الصلاة والسلام لاازم تكون الكلمة من قلبك ولا ما تنقبل .. عرفت ليه نبيه رومانسي لأن الحياة من غير مشاعر مستحيلة .. انا حزنت على اللي تقول اصبحت جافه وقاحله ولو اشتهيت له هدية اشتريها واهديها اخوي .. ياويله من الله زوجها تتوقع ان الله ما يحاسبه على حرمانها عاطفيا بهالطريقة البشعه .. كل رجل لازم يفهم ان الزوجه يا تجفف منابع مشاعرها وهذا قاتل بالنسبة لكل انثى او تنحرف والعياذ بالله .. لا تتفهون الموضوع وتطلعوننا بمظهر السطحيات

سأرد عليكي لاحقاً ان شاء الله
بس ودي اعرف ماهو المقصود من كلمة "تتفهون" ؟

اقصد لو زوج اشتكى من زوجته وعدم اهتمامها فيه الكل يتعاطف معه ويعطيه العذر بأي تصرف يتصرفه بس لو زوجه اشتكت من قلة اهتمام زوجها فيها الكل يتهمها بالسطحيه ويشوف انها تافهه وان الحياة اعمق من كذا وتلقى النصيحة دائما تكون اصبري وبذكائك غيريه هههههه طيب شرعا معروف ان الزوج هو المفروض يصبر على زوجته ويكبر عقله لان المرأة عادة تحكمها عواطفها بعكس الرجل اللي يحكمه عقله بس اجتماعيا مطلوب ان الزوجه تاخذ دور مو دورها بالاجبار .....

صح منطوقك 😉

الله يحييكي في صف الاخوات اليائسات

اليائسات !!

ربما اليائس يكون افضل من العيش ع امل كاذب 😁😂😝

المنتدى عبارة عن 90٪ نساء ، فعندما تقولين الكل يعني ان النساء داخلات في الموضوع وبقوة، وانتي من النساء وتفهمي النساء ، عاد اسألي بنات جنسك لماذا يقفون مع الزوج ولا يقفون مع الزوجة!

لو الزوجة اشتكت سنقول لها اصبري وابدأي التغيير من عندك

ولو الزوج اشتكى سنقول له اصبر وابدأ التغيير من عندك

حكاية انو لازم نصلح الكل عشان انتي بعدها تنصلحي مامنه فايدة.

حكاية ان معروف بالشرع ان المفروض الزوج اللي يكبر عقله ويحتوي الزوجة ونسكت عن باقي الشرع . في هذا الحالة مو شرع.

وانتي التي اتيتي شاكية ونحن نحل مشكلتك. هو لم يأتي لنا كي نقول له حل مشكلتك!

الهذه الدرجة لاتريدين عمل شيء وتريدين كل شيء على الجاهز! شرطة مثلاً تشتكي فيها زوجك وهم يقومونه! اوكي ماعندك مشكلة اقترحي هذا الحل بمجلس الشورى.

يااختي نحن هنا بالمنتدى نسعى لجعل الحياة الزوجية احلى واجمل بمساعدة الطرف الذي يأتي لنا شاكياً باحثاً عن حل.

اما حكاية اصلحوا المجتمع اولاً وبعدين تعالوا تفاهمو معي ، اسمحي لي بأن اقول لك انها مضيعة وقت.

وكل زوجة عليها تفهم ان الزوج لازم تشبع فيها كذا وكذا ولا ينحرف او تقتل فيه رجولته......
اذا استمرينا بهذه النوعية من المجادلة مش راح نخلص يااختي.

تريدين حقك؟! توجد طرق كثيرة للوصول لها، احدى هذه الطرق موضوعي هذا .

انا ما قلت اني ابي زوجي زي اكمل البشر انا فكرتي ان الدين وضح عظم اجر الكلمة الطيبه وخلاها مساويه للي ينفق من جيبه وانا ضربت مثال بالرسول عليه افضل الصلاة والسلام لان انت تقول ان صلابة الرجل هي اللي تحمي المرأة حبيت اوضح لك ان الصلابة ما تتنافى مع الكلمة الطيبه .. طبعا اتفق معاك بحقوق الزوج ويكفي حديث الرسول عليه افضل الصلاة والسلام ( لو امرت احد ان يسجد لاحد لأمرت المرأة ان تسجد لزوجها ) وهذا الامر مافيه جدال ووضحت لك ان لو الرجل اشتكى الكل يتعاطف معاه بس لو المرأة اشتكت الاغلب يشوف انه مو سبب مقنع لهدم حياتها .. وبالنسبة لكلامك اللي تقول هي اللي جففت عواطفها وتنازلت عن حقها هههههه بصراحة ضحكتني مقارنتك يعني هل تقدر الزوجه ترفع صوتها او تجبر زوجها على المشاعر ولا تضربه ههههههه اتخيلها ماسكه سلك وتضرب فيه حبني يالله حبني bgh
... وبالنسبة للعقاب تتوقع لو زوجه قصرت بحق زوجها ودفعته للحرام حتى لو بتفكيره ماعليها ذنب ؟؟ مع ان الزوج مسموح له يتزوج غيرها !! فمابالك بالزوجه اللي الشرع يحرم عليها التفكير بغيره والمجتمع يحرمها من حقها بطلب الطلاق لان ببساطه الغلط دائماً عليها .. اعطيك مثال ابسط لو زوج جوع زوجته وما كان يجيب لها اكل الا النزر القليل تتوقع ربي ما يحاسبه .. الجوع العاطفي اشد ..


اخيراً انا ما اتناقش بغرض المعارضة هي مجرد فكره وحبيت اطرحها

جزاكي الله خير على طرح وجهة نظرك

استفدت منها لاحرمك الله الاجر