المشاركة الأصلية كتبت بواسطة معالي الوزيرة

اخوي
اولا الله يوفق بينك وبين زوجتك ولا يفرق بينكم ويخليكم لعيالكم..
أنا يوم سألتني روح الطير عن مشاعري ترا كنت دوبي مضروبة والموضوع طازج هذا اولا
وانا لو اكرهه فعلا كان ما صدقت على الله طلقني وعلى طول قلت لأبوي يطلب منه يرسل الورقة ..
بعدين أنا دوبي حديثة الزواج ومشاعري ما استقرت وماعاشرته زين هذا من جهة من جهة ثانية مع تصرفات زوجي وغيابه شبه الدائم طبيعي مشاعري بتكون محايدة وبهالشكل الا اذا شد حيلة وحاول يعوضني ويتقرب مني ويعاملني بأسلوب حلو أكيد رح احبه وبشده،،
بعدين تراه انقطع اكثر من أسبوع وخلالها لا ليلي ليل ولا نهاري نهار وكل شوي افتح الواتس عشان اشوفه متصل ولا لا .. انتظر بس رسالة او أتصال عشان أرد عليه ،،

وبطبيعة الحال مارح ابادر أنا بالاتصال طبعا بس مستعدة في اي لحظة يتصل أرد ونتفاهم..
آليوم اتصل علي من رقم غريب( على باله اذا اتصل من رقمه ما رح أرد)
عيد علي بس كنت مع اخواني رايحين السوق وبننزل من السيارة فاعتذرت منه أني مشغولة رح رجع اتصل وانا اتعشى وما انتبهت للجوال،
ما اخفيكم شعوري لمن سمعت صوته خاصة بعد انقطاع شهر ونص ،، حسّيت هرمون السعادة تدفق في جسمي، يجي ابليس يذكرني باللي مضى ويحاول يخرب علي بس ادحره على طول،،

وبالنسبة للمشاكل ، لازم يا اخي اكتب مشكلتي بأدق تفاصيلها عشان الاخوان والأخوات يقدرون يساعدوني ،،
وزوجي اعرفه ما هو من مرتادي المنتديات، وان شافها لا سمح الله بيقرا ردي هذا ويطخ ،،

سؤال كم أخذت فترة قبل ما ترجع لزوجتك ؟
شكرًا جزيلا ردّك أفادني جزاك الله خير