الرومانسيه بنظري افعال ومشاعر صريحة تجي فجأة مايبغى لها ترتيب ..

طيب بقولك انا ليه حكمت على زوجي انه مو رومانسي ابدا..
انا واعز صحباتي ... لما انجبت بنتي الصغيرة صحبتي جابت بنتها كمان بعدي بكم يوم ...
صحبتي زوجها على طول اهداها هدية الولادة ..وتكلمني وهيا فرحانة بالهدية ...
لكن انا ماشفت هدية ... وطول الوقت زعلانة ولامة البوز ان زوجي مو رومانسي ولا في زوج مايجيب هدية لزوجتة وهي تعبانة...
لكن ماكنت اشوف ان زوجي بيعمل اشياء ممكن هيا بنظرو رومانسية ...
زوجي بعد ماولدت اعطاني مبلغ كبير غير عن المصروف ...
طول فترة النفاس يكلمني عن تخطيطة للسفر بعد مااخلص النفاس ..ويقولي راح اخليكي تنبسطي وتنسي التعب ..
اشترا لي كاميرا احترافية ...طبعا ماكنت اعتبرها هدية لان لازم عندي مغلفه وتكون مفاجأة مو يشاورني بمواصفاتها هههههه..
اول اسبوعين من النفاس يأخد اجازة من عملو ومايفارقني لحظة ..

لكن مع هدا انا كنت مصممة ان زوجي مايحبني ومو رومانسي ابدا وجاف ليه مافكر يجيب لي ورد وهدية ويغلفها زي العالم والناس هههههههه..

اما صحبتي ... بعد فترة سارت تشتكي من زوجها انو مايهتم فيها ودايم مطنشها ويسهر كل يوم مع اصحابو ...غير انو بخيل ويتمنن عليها بالريال ...ويسافر كثير ومايفكر يسفرها ...لكن زوجها فنان بالحركات الرومانسية ...ايش السبب !! يعني معقولة بيعمل هدي الرومانسيات عشان يسكتها ..

عشان كدا في النهاية اقتنعت ان مو اهم شي الرومانسية والحركات .. المهم الاهتمام وانو دايم يحاول يسعدني ..
يعني نقل زوجي من الرياض لمكة ...هدي تكفيني رومانسية للعمر كله

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

والله زوجك والنعم فيه ، الله يبارك في زواجكم وحياتكم ، وياريت تعطيه دروس وتدريبات نسائيه لو خمس دقائق يومياً بشكل جاد.

شاكر ومقدر مروركم

امين يارب ويبارك بحياتك ..
دروس وتدريبات زي ايش مثلا

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

الغرض:
ارضاء غريزتك بالشكل الذي يعجبك مثل ماانتي بترضي له غريزته بالطريقة التي تعجبه.

الفكرة:
تشرحي لزوجك في ساعة صفا او ترسلي له رسالة او تكتبي له ورقة (اللي يناسبكم) بغرضك من الموضوع وانه يسمح لك بهذا الوقت المستقطع بأنه يلبي لك طلباتك (لا تقولي له تمرين وتدريب عشان لايستثقل الموضوع)

الدرس:
1- كلمات الحب
2- تغليف الهدايا
3- القبلات
4- الحضن واللعب بخصلات الشعر
5- اضيفي من عندك دروس خاصة بك.

التدريب:
رقم التدريب هو نفس رقم الدرس.
1- يردد وراءك حوار رومانسي تكوني مجهزته من قبل .
1- تعلميه كيف يقول كلمة احبك بنبرة صوت ونظرات تناسبك.
1- كتابة رسائل الغرام على الواتس اب مثلا ثم بعد فترة اطلبي منه يقول كلمة جديدة من مخيلته وبعدها بفترة اطلبي منه جملة من تأليفه.
1- انشاء قروب بالواتس اب وليكن اسمه مثلاً " أعشقك" ويضيفك فيه بحيث يكون هذا القروب مخصص لكما فقط ويحتوي على الحب والهيام فقط، اما طلبات البيت وغيره فهذي مكانها الخاص.


2- جهزي ورق هدايا واحضري اي علبه فارغة او علبة عطر نسائي وقولي له غلفها وبعدها علميه طريقة التغليف التي تعجبك، ممكن بعدها بفترة تعلميه لف الشريط، ممكن بعدها بفترة تعلميه كتابة البطاقة على الهدية. ثم بعد انتهاء التغليف قولي قدمها لي واقبليها منه بطريقة كما لو فاجأك بها بحيث تغرسين فيه قيمة الهديه بالنسبة لكي.


3- علميه ان للقبلات اماكن غير الشفايف (اليد - الرقبة - يده هو ومن ثم ينفث فيها نحوك وكأنه يرسلها لكي عبر الاثير)
3- علميه عن اوقاتها (قبل ذهابه للدوام - بعد العلاقة الشرعية - اي وقت اخر)


4- علميه كيف يحتويكي بحضنه (يفضل لو امام مرآة) وكيف يداعب خصلات الشعر بطريقة رومانسية راقية)


5-انتي الان فهمتي الفكرة وبامكانك تطبيقها على اي شيء اخر.


الوقت :
اطلبي من زوجك خمسة او عشرة دقائق فقط لكي يطبق التمرين واضبطي منبه الجوال انه يرن بعد انتهاء الوقت المحدد بالضبط واذا رن توقفي تماماً حتى لو طلب التمديد عشرة يعني عشرة .او خمسة يعني خمسة. وان كنتي لا تريدين ان ينتهي التدريب بعلاقة شرعية اختاري وقت بحيث يكون صعب الجماع فيه (وجود مناسبة - قبل الدوام مثلاً - ايام العذر الشرعي) ولكن اذا طلبك للعلاقة مشيها له في البداية عشان يتحمس معاك بكرة وبعده.

المحصلة:
علمتيه الطريقة المناسبة لكي كي يعبر فيها عن حبه. وبالتالي عندما يريد اكرامك او شكرك فسوف يستخدم التدريبات التي علمتيه اياها.
وبالنسبة للانضباطية بالوقت كي يتحمل ويتحمس لتمارين الايام القادمة.


ملاحظة هامة للاخوات:
الكلام السابق يناسب حالة اختنا كوين لأنها توفرت عندها الشروط التالية:
1- فاهمة ماذا تريد.
2- فهمها لطبيعة زوجها العملية.
3- زوجها يحبها وهي تحبه.

ماشاءالله عليك ..
مع اني خلاص افتنعت بزوجي وقلت هدا طبعه .. لكن بما ان فيه فرصة يتغير ويسير مثالي بنظري ليه لا fg
ان شاءالله بعد الحج ببدأ التطبيق حبه حبه ... مع انو زوجي تقريبا تغير الحمدلله بس برضوا زيادة الخير خيرين ..

أخي في الله .. بما انه ماشاءالله مواضيعك حلوة والاسلوب جميل وواضح جدا ... ياليت تنزل لنا موضوع ( كيف نتخلص من غيرة الرجل) .. لان بصراحة اعاني كتير من الغيرة ...


والله يبارك بحياتك

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

جزاكي الله خير على حسن ظنك بي واريدك ان تكرميني بالنتيجة مستقبلا ولو بكلام عام، واذا عندك اي تساؤلات فأنا وغيري من اعضاء هذا المنتدى جاهزين ومستعدين لخدمتك وخدمة اي شخص محتاج.

اما بخصوص (كيف نتخلص من غيرة الرجل) ياريت تشرحي لي التالي عشان استوعب:
1- ماهو مقصودك من غيرة الرجل؟
2- امثلة عليها؟
3- ماالرسالة التي وصلتك من غيرته عليكي؟
4- لو قلنا لكي خذي هذا المفتاح وغيري برمجة زوجك على كيفك، على ماذا ستبرمجيه؟
5- اضيفي اي معلومة تفيدني.

وبعدها اشوف مقدرتي من عدمها على انشاء هذا الموضوع، ولكن ابشري باللي يرضيكي

مثلا ...
يغار من طريقة كلامي مع صحباتي ... ويبغاني اتكلم معاهم بطريقة رسمية مرا ...ويتمنى اني اقاطعهم اصلا ..
او مثلا لما نروح مطاعم او كافيهات .. ويكون مافي قسم عوائل منعزل ..يتوتر طول الوقت وياويل لو احد طالع فيا ..خلاص يعصب وتقلب الجلسة نكد...
لما نسافر اونروح عالبحر او ملاهي او اي مكان ... يراقب المكان اول شي وطول الوقت يلف راسو يمين وشمال يشوف فيه احد يطالع او لا ...ولو مثلا كنا جالسين ومبسوطين ويجو فجأة مجموعة شباب مع انهم يكونوا بعيد عننا مرة .. خلاص نرجع البيت او نروح مكان ثاني ...
على فكرة .. انا مو من البنات الي اتبرج خارج البيت وعبايتي عريضة ومنقبة ..
طبعا هدي امثله بسيطة جدا وماادري ممكن يكون شي طبيعي ...لكن متعبة ليا ..
..انا عارفة ان الغيرة حلوا ..وممكن تكون دليل عالحب ..لكن لما توصل للمشاكل متعبة مرا ..
ومشكورة مقدما ...
بس لو حبيت تنزل موضوع ياليت بعد يوم 13 الحج ( شحادة واتشرط ) هههههه ...لاني بحج وماراح ادخل المنتدى من بكرا ..
ومشكورة برضوا حتى لو ماكتبت الموضوع ..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك