السلام عليكم
قبل ثلاث شهور توفى اغلا ناسي وتاج راسي ابوي
بلحظه فقدناه كان بينا بصحته وعافيته الله يجمعنا فيه بالفردوس
بعدها الحال لايسر اللهم لاعتراض ماخطر بالي افقده
احس الدنيا بلاطعم
داخلي مكسور حزن يسكن القلب
كل شي بحياتي باهت بدون طعم ولا لذه
صرت اروح ادور شي يضحك ابي اضحك ماقدر داخلي حزن
غيرت بشكلي بلبس ابي اغير من نفسيتي مب قادره
احاول اعيش مع الناس اعيش لعيون امي واخواني وزوجي ماله ذنب بنفسيتي
ابوي كان كل شي بحياااتي تزوجت وكاني ماتزوجت بكل حاجه كان يشاركني
يكسر قلبي حال امي وخواتي واخواني الكل يحاول يخبي الي داخلهم بس الحزن يبان بعيونهم ونغمه صوتهم
يكسره خاطري اطفالنا اذا قالو حنا بنروح للجنة مع يبه نبي نروح نسولف معه نلعب
كل مافي البيت يفقده فقدت ضحكته صوته سوالفه تريقته علي كل شي فيني يفقدددد

اتسال كثير بيستمر هالحزن كره الدنيا بكل مافيه بيستمر كل شي بدون طعم ؟؟؟
كل شخص فقد امه او ابوه ابي اساله استمر حزنكم كذا احساس الانكسار بالقلب فقد طعم الحياة

الله يغفرلك يابوي ويجعلك بالفردوس ويجمعنا فيك

__________________
سبحان الله وبحمده

حبيبتي الله يمسح على قلبك وقلوب أهلك ..
طبيعي الحزن .. والفترة لسى قصيرة ..
إذا فراق الأحبة صعب فما بالك بفراق أحد الوالدين ..
كلنا إلى ربنا راجعون .. إن شاء الله مع الوقت يقل ألمك ..
وربي يجمعكم فيه في الفردوس الأعلى ..

مايكسر خاطري الا بناتي وزوجي
من حقهم يعيشون من حقهم اسولف معهم واضحك احاول بس 😭😭😭
من حقهم احقق رغباتهم من كماليات الحياة وبهجتها
لكن مااالي نفس شي ابد

__________________
سبحان الله وبحمده

اميييين ياارب
من جد فقد الوالدين اليممم
الله يرزقنا برهم

__________________
سبحان الله وبحمده

نسال الله ان يفرج عنك اختي الفاضلة

ويتغمد والدك بواسع رحمته ويسكنه فسيح جناته


ينقل الى القسم الانسب


قسم العلاقات الاسرية والاجتماعية

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

امييين يااارب

__________________
سبحان الله وبحمده

عزاك الله في فقد ابيك

الجرح لسى جديد و ما تعيشينه عادي و ذلك لما في القلب من المكانة لوالدك

اهم شئ حاولوا انكم تتكلموا عنه و تفتكرة عنه المواقف المبهجة، و تكلموا بينكم
و تدعوا له و تتصدقوا عنه ودوا اهله ربعه و اصحابه
و حاولوا تتقربوا منه في الله في والدتكم الله يطول بعمرها

ة الله يجمع شملكم في الخير

الله يغفر له ويرحمه
اكثري من الدعاء له هذا مايحتاجه الان
والتفتي الى بيتك فهم بحاجة اليك
فالحياة هكذا تحتاج الى صبر وكلنا راحلون

__________________
اللهم اصلح قلبي وقلب ابنائي

آآآه ياريفان قلبت مواجعي ابوي الله يرحمه ويغفر له كنت متعلقة فيه بشدة كان بناتي هم احب شيء له كان الله يرحمه لما يجي يوم الاربعاء يجلس يستنينا في الصالة عشان يستقبلنا من حبه فينا ... توفى قبل سنة ونص احس وكأنك نزعت قلبي من مكانه ... بس كل ماتذكر هو كيف كان وكيف علاقته بربه أعرف بإذن الله انه راح للخير وترك التعب والهم هنا الحمدلله ... اللهم اجمعنا بهم في جنات النعيم .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

الله يرحمه ويجمعكم ف الجنه.. الموت تبدأ مصيبته كبيره ثم تصغر مع الوقت..
كأنك تحكي عني لما مات زوجي كل شي بدون فرح وبهجه مايفرحني اي شي .. وبعد مرور سنه الحمدلله بدأت افكر كيف اوؤمن منزل لي ولطفلي وكيف ابني مستقبلنا مع حزن وغصه ف القلب بس لازم نعطي كل شي حقه ولانفسنا حق.. هم مايحتاجو غير الدعاء والصدقه بشكل يومي وحاولي تمارسي حياتك طبيعي يعني مثلا لما تحزنني اتذكري انو راح لربنا اللي ارحم مننا بعباده وان فيه جنه ولقاء ابدي .. والحمدلله عندك عيله واطفال تنشغلي بيهم غيرك يموت ابوها وهي فتاه ماتملك شي وتتبهدل من بعده وتحتاج للناس وتنذل.. ربي يعينكم ويعين امك لاتتركوها مصابها عظيم وربي يجبر كسر قلوبكم .

__________________
الحمدلله