انا اؤمن بمبدأ ان الطرفين لازم يشوفوا بعض ولازم يسمع كل طرف الثاني على الاقل عشان يشوفوا المواصفات وعشان ما بعدين اي واحد فيهم يقول ماشفت وماحسبت وما دققت وانا نادم ع الاختيار ! ،،، حتى وان تم الرفض فعلى الاقل البنت او الولد ماراح يتاثر ويقول ان ماعطونا فرصة حتى للشوفة وممكن راي الخاطب او الخطيبة يتغير وهالشي واقع للاسف يعني الام هي اللي تشوف وهي اللي تحكم في حين ان من يريد الزواج هو الابن ...

بالنسبة لنا احنا بالبحرين ممكن فيه اختلاف بسيط ختى بين العوائل فبعض العوائل تسمح بالمقابلة لوحدهم مع وجود ستارة مفتوحة على مجلس الرجال ،،، البعض مع والده والبعض مع كلا الابوين ،،، على حسب تفكير وتدبير هالعائلة ،، بكل الحالات النقطة المهمة هي تقابل الطرفين مع بعض من البداية والاعتماد على الحكم الشخصي بالرفض او القبول ..،

بالنسبة للرفض عادة تجي بعد المقابلة وانا افضل حتى لو مافي نصيب المفترض يتم الاتصال وعدم تطنيش الطرف الثاني لانه ممكن ينتظر الجواب وهالشي مافي منه استحياء هذا رزق ونصيب ،،،