عزيزتي ام مريمي ان شاءالله بتولدي بخير وسلامة من هلئ بلشي اشتري بعض الهدايا وقدميها لبنتك على انها هدية من النونو وكوني محضرة هدية من النوع الاكتر شي بيفرح بنتك وبمجرد ما تولدي بتعطيها ياها انو هيدي من النونو خبريها انو النونو كتير بحبها وحب يجبلها شي بتحبو
حاولي تعطيها جرعات حنان ووقت واهتمام اكتر من النونو باول اشهر
النقطة اللي تساعد انها تقلل من غيرة الطفل ما نبالغ باهتمامنا بالمولود الجديد وبس بدنا نمدحو نمدح الطفل الاكبر لنزرع الحب بيناتهن
وتاني نقطة حلو الولد عالست اشهر يتعود ينام بغرفة لوحده هيدي بتقلل تعلقه باهله وبالتالي بتخفف من الغيرة
خلي بنتك تشاركك بتحضير الحمام للطفل وتحضير ثيابو وكافئيها واغرقيها بالكلام الحلو والاحضان
وبالنسبة للغيرة من الاخرين ان شاءالله لي عودة بس لخلص كم شغلة بين ايدي
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه