سأنقطع قليلاً، إن جدّ جديد سآتي لكم..

شكراً لأرواحكم..

__________________

كيان!

وأخبرنا بمستجداتك وبإذن الله تكون مفرحة ..
وفقك الله أينما كنتم أيها الأستاذ الكريم ..

[align=center]بسم الله الرحمن الرحيم

عدنا والعود أحمد..


انقطعت كثيراً وتغيرت أشياء كثيرة..

معليش من نسى موضوعي فليقرأه ليفهم ما أقول الآن..

ما جرى في الفترة الماضية

أولاً/ أصبحت موظف حكومي، وتم قبولي بحمد الله، وباقي التوجيه فقط، ويا فرحة ما تمت..

ثانياً/ لعلكم تذكرون اني تكلمت عن وحدة من قرائبي جداً، اللي لي مشكلة مع أبوها، على حظي التعيس توظفت عندها في نفس المنطقة، وخايف تكون نفس المدينة ويزيد همي على هم، أبوها عرف بوظيفتي، ورغم كرهي له وهو يعلم بهذا، ورغم أن تعامله معي سيء جداً، أصبح معي جداً محترم، وصار يتصل بي مع إنه ما عمره اتصل، وزرته في العيد اعايده لانه من الرحم، وجلسني بجانبه مع اني كنت أدور أبعد منطقة عنه لكن أجبرني أجلس جنبه، وسألني هاه حددوا مكانك أو لا، لكن هيهات القلب لما ينجرح ما يتعدل، وكل هذا يصير علشان يبغاني آخذ بنته..

ثالثاً/ أخواني الأشرار -امزح- يعرفون إني أكرهه وعلمتهم بالسبب في هذا العيد بعد ما زرناه، وشفتهم كانهم اقتنعوا بكرهي وإن معي حق كثييير، لكنهم أشرار وقالوا لي ترى بيزبطونك ويغثونك لين تتزوجها، بل واحد من أولاد عمي الأشقياء حاني واتس يلمني يقول ليه نا تاخذها، صارحت أحد إخواني وقلت: (لو أخذتها سميني أي اسم انت تبغاه) واقترحت عليه بعض الأسماء هههه..

رابعاً/ تقريباً اللي بيني وبين أخواتي زال، مع إني ما أخذت حقي، لكن سكت عنه، والمشكلة ما نقدر إلى الآن نجلس ونتكلم مع بعض لطول فترة القطعة فقط واتس..

خامساً/ الأسوء من ذلك شفت حلم بمنامي قبل أيام عن مكان وظيفتي الجديدة وسكني هناك، فسرتها عند مفسر -ويا ليت ما فسرته- قال لي( زوجة من نفس المنطقة)، جاء في بالي هذه القريبة، اشمئزيت كثيييراً..

سادساً/ نجي للنقطة الأهم اللي بسببها -بعد الله- سويت هالموضوع، بالنسبة للعائلة العربية اللي كنت متيم بها، ما زال القلب هائم لكن لاني انقطعت عن أخوهم الفترة الأخيرة، اشعر بأن حلم الزواج منهم تلاشى، ومازال في القلب شوق..

ومن جرف لدحديره، أنا أعرف عائلة عربية من نفس الجنسية قمت بعمل بحث لابنتهم مرة وأخوها أهداني هدية كبيرة قبل فترة، المشكلة وقت البحث ما تعلق قلبي بتاتاً ولا فكرت، لكن في الفترة السابقة تواصل معي أخوها كثيراً وآخرها يوم أمس، فتحول هالتعلق من تلك إلى هذه، ويا قلبي لا تحزن، أعلم بأنكم ستتهمون قلبي كثيراً.. : )

مازال هناك أمل كبير، ولدي طاقة إني أأخر الزواج 5 سنوات حتى أصل للسن القانون للزواج بأحداهما، وحتى أكوّن نفسي أكثر، فلدي مشروع تجاري ربما سأدخله بجانب الوظيفة واكون مستعد للزواج أكثر، لكن أخشى يكون هذا التأخير في الهوى ولا يفيدني بشيء..

جالت في بالي فكرة أني من الآن أتقدم وأجازف لوحدي دون علم أهلي، وحقيقة أصبحت أمتلك شجاعة كافية لهذا، خوفي من ردت فعل والد الزوجة أني جيت دون والدي..

قرابتنا حلفت ما آخذ أحد منهم لأنهم مشاكل، واللي برا قرابتنا أنا ما عندي مشكلة بس أخاف أهلي ما يختاروا صح لأني أعرف ذوقهم مع كامل احترامي لهم ولن أجازف وأترك لهم الخيار بتاتاً، والمقيمات أسواط القانون تلسعنا، فأين المفر؟

__________________

كيان!

اولا مبروك الوظيفة والله يعطيك خيرها ويكفيك شرها

تدري وش مشكلتك قلبك على الريحة او مثل ما يقلون فز الخفوق وعلي اييييه يا حسرة على خيالات بسم الله اخاف تتوهم جن بالله لا تزعل
مرة متردد تقول خلاص صرفت النظر وشوي الا تقول ومالحب الا للحبيب الاولي يا رجل اتق الله ومن هي بسم الله = زهايمر حب

ثانيا ايانا واياك تروح تخطب سندريلا ولا تعلم اهلك لا يفشلونك ويزعلون وتمحق بركة زواجك بدعائهم

احب الرجل المتحفظ لكن بعد الزواج تعال تحفظ وحافظ على اسرار بيتك لكن قبل

اعطهم المجال وكلن يدلي بدلوه خلهم يرشحون لك ويتكلمون
اذا خلصوا قول خلاص الباقي اتدبره

اتخيل ولدي لما كبر وربيته وسهرت عليه ووقفت معاه جاي يفاجئني باخطب بتحز في نفسي وفرحتي مو كاملة حتى لو طاوعته يمكن اكره زوجته ولا ابي قربها ولا راح اتلهف لولدي لان فرحتي باكمال زواجه ناااقصة
خلاص قولهم : باشوف اصحابي فاهمين ما ابغاى اللي ترشحونهم لي خلهم في الصورة

وانت يا يمه حطي في بالك لو عجبني فتاة باخطبها من ابوها اول ويسالون عني واذا عجبتهم ودقوا تعالي معاي
لا تزعلين ابقولكم من الان انا حر ولا باشيل فكرة الزواج من راسي

مثال وصار لي شخصيا قبل طليقي تقدم اهل الولد وقالوا رحلته بعد يومين جاي الولد مواصافته كذا وكذا وشافوني وعجبتهم وجاء هاليومين ولا جاء وزوجة اخي تعرفهم تقول الولد هاوشهم ليه تخطبون لي من ورائي وما حب هالحركة ولا وافق اخاف يصير العكس عشان كذا حذرتك حتى لا تكسر خاطر ابوها وخاطر البنت وخاطر اهلها
ابوي ضاق صدره مع اني ما اهتميت لاني واثقة من نفسي وعسكري ما احب العسكر فجت من الله

ثالثا الزواج من مقيمة لازم موافقة من الامارة واجراءات طويلة عريضة ويتمنون السعودييين لي اقرباء متزوجين من اجنبيات لكن في اختلاف ف الثقافة والعادات والتقاليد وهذا ابيض على امه وهذا حنطي على ابوه وبنته ما تتغطى مثل امها والثانية على اهل ابوها حوووسة اذا انت عادي عندك تتأقلم فالله يعينك اطرق الابواب واحفظ هالامانة ولا تظلمها قبلت بك فاقبل بها وتحمل نتيجة اختلافك البيئة بينكم حتى لا يتشتت الابناء بين دولتين



رابعا حااااسة انك بتجيب العيد وبتجي العروس صدمة غير متوقعة وغصب بترضى فيها مدري احساسي

.......................................

نصيييييحه لاتأخذ اجنبيه
وابحث في قسم المتزوجين
اقرا معاناة واحد متزوج مقيمه
صدقني مالك الا بنت ديرتك
مو شرط تقرب لك
مثل مابحثت عن مقيمه
ابحث عن طريق اصدقائك عن بنت حلال تناسبك

بصراحه أنت غريب وتعلق روحك على خيال
ومصر تاخذ وحده عربيه فيهم الخير والبركه بس شكلك متعقد من بنت بلدك وافكارك صعبه ومعقده ، أنت تبحث للزواج وله تبحث للبحث والحيره فقط !!!؟؟

__________________
وهل من مصير اخر ؟

الظاهر لم تقروا الردود جيداً..

وبالنسبة لجملتك التالية "مرة متردد تقول خلاص صرفت النظر وشوي الا تقول ومالحب الا للحبيب الاولي يا رجل اتق الله ومن هي بسم الله = زهايمر حب " لو ترجعين وتقرين اللي كتبته زين ما تجدينه زي ما فهمتيه..

طبعاً العائلة الثانية أعرف أن عندهم بنت، وأعرف أنها بعمر 17 أو 18 تقريباً، والعائلة الأولى وربي لو ألقى عائلة سعودية كذا لأرضى بهم، المشكلة ما أدري عندهم بنت للزواج أو لا، كل معرفتي أن عندهم بنتين صغار جداً وثلاثة أخوان بالإضافة لأمهم وأبوهم..

وبالنسبة للعادات أنا ما عندي أي مشكلة، وخطيب أختي من دولة عربية مجاورة، من ناحية الحجاب بيكون شرط عليها، وإن ما وافقوا ما راح نكمل عادي..

هذا ما لاحظته في ردك وإنك ما تعرفينه أو ما فهمتيه، أما بقيت ردك والله حقيقة استفدت منه كثيراً لأنه جاني من منظور الأم، وضحكت كثيراً على أسلوبك، فشكراً لك والدتي..

__________________

كيان!

العرب ما أرى أنهم أجانب، قريت عن كل شيء ومشاكلهم ولدي القدرة على التصرف لأني جالس أفكر في مشاكل هذا الزواج من كل جانب، بل أنا غيرت كثير في شخصيتي علشان استعد لذلك..

والله يرزقنا الخير..

__________________

كيان!

الغريب أنكم ما قريتم صفحات الموضوع لفهمتم أني ماني متعلق في سراب..

وأفكاري صدقيني غير صعبة وانسان الحمد لله واسع أفق، بس البحث الدقيق اللي فيني لازم أوسعه شوي..

وحقيقة كل هذا اللي يصير علشان أهلي ما يفكرون يزوجوني اللي براسهم لأني مستحيل آخذهم..

أهم شيء قبل الزوجة أم الزوجة وأهلها، صدقوني الراحة تكمن هنا..

__________________

كيان!

الله يوفقك ويزوجك الصالحة التقيه النقية التي تسعدك وتريحك

انتظر اخوي لين تبدأ العمل بالمنطقة يمكن تتعرف على ناس يعجبونك

بس حط ببالك تكون قريبة من طبعكم لانك راح تعاااااااني كثير من الاختلافات والمنتدى مليان قصص

حاول تجدد التوبة والتقرب الى الله عزوجل والبعد عن المعاصي واخلاص الدعاء لله جل وعلا فهو وحده القادر العالم بكل شي

بالتوفيق