وش فيها الشرقية ؟
أنا رحت العسل للشرقية والمدام انبسطت وكانت احلى ايامنا
بصراحه ابوك معه حق , اصحي يابنتي الامور اللي تتكلمين عنها توافه في توافه
والرجال دام انه محترم وطيب ويعاملك كويس عضي عليه بالنواجذ يعني امسكيه بايدينك واسنانك

اقولك قصة من عندنا
أخوي الكبير مليونير سوا زواج خرافي لبنته واللي تزوجها شاب من عايلة كبيره , وقضوا شهر كامل في اوروبا
وراحوا برشلونه يتصورون مع لاعبي برشلونه المشاهير , ولما رجعوا , أمها سوت لها عزيمة كبيره في أحد أكبر فنادق الرياض

يعني زواج بذخوا فيه بذخ على كيف كيفك, والله العظيم خمسة شهور واتطلقت , وهذي هي جالسة في بيت ابوها.

الزواج موب شكليات, كبري عقلك واحمدي ربك على النعمة, ترى اللي يرفس النعمة يابنتي بكرة يتذكرها ويبكي دم عليها لما يجرب حياة ثانية.

هذه نصيحة ابتغي فيها وجه الله تعالى

والله يوفقك ويرعاك