رد : ما قصة العصير و الحمام و غسل الرجل.وسؤال للموظفين و الموظفات
حلو الموضوع و السؤال
تسلمين مسز دانى
موضوع غسل الأقدام للزوج ليس تقليل من شان الزوجة إذا فعلته من تلقاء نفسها ان أحست حاجة زوجها لذلك الفعل
و مسألة العكس ان الزوج هو اللى يغسل رجل زوجته مش عارف بس أحسها تقيلة شوية (( هيطلع علينا بتوع جمعية حقوق المرأة ))
موضوع تجهيز الحمام دا تقليد مصري قديم قبل السخانات و المياة الدافئة و الخلاطات بتاعت المياة فكان لابد من تسخين الماء و وضعه فى حلة او طشت و حلة أخرى للماء البارد و الصابون و اللوفة لإزالة القشف (( ههههه )) و تجهيز ملابس أخرى بيضاء و ملابس للبيت
انما ناو بقا كل حاجة جاهزة ممكن بس احضار اللبس النظيف
موضوع العصير و كده من حُسن فطنة أى زوجه انها تستقبل زوجها العائد من العمل بأحسن استقبال حتى لو مولعه منه بس لازم تستقبله احلى استقبال لحين يرتاح تقوم بقا قالبة على الوش التانى اللى كلنا عارفينه و متعودين عليه هههههه
الخلاصة كلها حاجات نسبية فى اللى بيعملها و بيحبها و فى اللى بيعملها لانه محتاجها و فى اللى مش فى باله
فهى كلها اشياء تكمل الحب مثل كلمة الحب كثرة قولها يفقدها معناها الحقيقى انما الحفاظ عليها و قولها فى أوقاتها يكسبها بريق و لمعان كالمجوهرات
شكراً لكى
__________________
21-07-2014, 06:21 PM
ضوابط المشاركة
العرض الشجري