والله يا مهره انا عارفه شخصيه زوجك من النوع لا تكثري بالحكي بس أكيد له مفتاح تقدير توصلي للتبغيه منه مو شرط بالكلام او النقاش في ناس تتكلمي معهم يقلبوا طرش او كأنك تتكلمي لغه غير لغتهم
تصدقي مره زميلتي تحكي عن مواقف يوميه تصير بين الأزواج ( زوجها يا ناااااس شخصيه مرررررره صعبه ومغرور وفيه شوفه النفس ) لكن سبحان الله تعرف تتعامل معاه وتعرف تداريه وتأخذ منه الي تبعاه بدون ما يحس
انا عن نفسي ما املك هالموهبه وهالسياسه 😫
شوفي تصرفك الأخير بعد زيارة ضرتك للبيت ورده فعلك وتعبيرك عن ضيقك خلى زوجك يوفوق ويعرف ان في أماكن وحدود لازم نقول عندهاstop احيانا الصمت ضعف وأحيانا الكلام تهور لازم توازني وتعرفي متى تتكلمي ومتى تصمتي
بس بالصراحه الزواج جهاد وتعب. وإنتي بحاجة لتغير ولو بسيط في حياتك
مهره انا مثلك اعشق المنزل وجلستي مع أولادي تسوى الدنيا ولي فيها
لكن هالسنه بذات اطلع اشوي وسجلت بالنادي
خرجة او 2 بالشهر مع الأصدقاء ماراح تضر احد بالعكس راح تنبسطي وتحسي انك عايشه ترى الأصدقاء نعمه من الله بذات اذا كنتي تستمتعي بوقتك معهم

__________________
ريم نواف سابقا

سأفعل إن شاء الله.

لكني لن أبحث عن مفاتيح يا ريم .. خلاص فات الأوان.

__________________


اللهم طِيبَ الأثر .. وحُسْنَ الرحيل.

أمس قلت له إنني أرغب في الذهاب عند أهلي.

كالعادة .. كان الجواب الأولي: ليش؟

قلت: شو يعني ليش؟ .. أبا اروح لاخواني!

قال: ما في روحة.

ما هي الحجة الجديدة؟ .. إني أبا اروح بيت أختي .. والأخ مصمم إني اروح بيت أبوي الله يرحمه .. اللي قاعد فيه أخوي!!!!!

قلت: شو مشكلتك أروح عند اختي والا عند اخوي؟!!

قال: اختج ولا مرة زارتج!!!!!!!!!!!!!!!!!!!!!

أستغفر الله العظيم من كل ذنب عظيم!!

قلت: انت ليش تسوي جذي؟ .. انت ما تباني اروح عند اهلي وخلاص؟!!

قال: مب صحيح .. خلينا نكمل كلامنا بعدين.

وانقطع الحوار لأنه كان طالع.

لما رجع كان واضح إني متضايقة ورديت عليه السلام باقتضاب .. انشغلت قليلاً مع البنتين .. وهو كان عنده شغلة مع سلطان.

بعدها كنت ما بين أن أتحدث معه أو أن أسكت وأنتظر مبادرته .. وفي النهاية تحدثت.

قلت: الحين بتخليني أروح والا لا؟!

كان هادئ جداً! .. قال: ليش واقفة؟ تعالي اجلسي جنبي.

جلست على طرف الكرسي مما اثار استغرابه!

قلت: كل مرة أبا اروح عند أهلي تطلع لك بسالفة شكل .. كأنك ما تباني أروح عندهم مع اني ما اشوفهم الا مرة أو مرتين بالكثير في السنة! .. ولو مب متذكر فآخر زيارة لي عندهم كانت من أكثر من سبع شهور!!

أنكر وحاول يطرح حجة أختي مرة ثانية.

قاطعته: هي صاحبتي عشان تقول لي ليش تزورينها وهي ما تزورج؟؟ .. هذه اختي! .. بعدين اخوي ما يقعد في البيت بسبب أشغاله .. وكل الوقت اللي اشوفه فيه اما الصبح وهو طالع أو في الليل وهو راجع .. أروح بيت ابوي اقعد بروحي مثلاً؟ .. بعدين بيت ابوي ما فيه خدامة .. أروح أطبخ وامسح وانظف ورا عيالك وانا المفروض اني رايحة اغير جو عند اخواني؟!! .. وبعدين طبيعي إني أروح اقعد عند الحرمة مب عند الريال!!

فجأة حسيت بالغباء!!!!!

وانفعلت: أصلا روحتي لأهلي مسألة بديهية مب محتاجة مني أقدم لك تبريرات أو أسباب ... وأنا اللي أقرر أروح عند منو فيهم!!!!!

ابتسم بهدوء وقال: باخلص موضوع تشييك سيارتج وعقب توكلي على الله!

__________________


اللهم طِيبَ الأثر .. وحُسْنَ الرحيل.

تطور جميل جداً
خليك حاسمة بأمورك
مع الوقت ستتمكنين من فرض رغباتك ومن خلق مساحة حوار اكبر
بالتوفيق ان شاء الله