ياختي معالي الوزيرة
لاتجعلي الاحلام تكون سبب لتشتيت افكارك !!!
زوجك مايملك سبب يخليك تتطلقين ابدا
واذا عن الاجازات عادي بكل سهوله تقدرين تروحين له بمنطقة عمله وتستاجرين شقه مفروشه حلوه او فندق
تغيرين جو وتكونين قريبه منه
وكل يوم سوي حركات تجديد وعيشيه الحب واملكي قلبه وعقله
وصدقيني راح يسوي كل شي يرضيك زي اكمال دراسته
الزوج لما يكون وراه زوجه محبه مخلصه ( عظيمه ) يكون ناجح في عمله ومكانته
ياليت وضحت فكرتي
امي عسى الله يخليها لنا ساعدت ابوي في دراسته وهو بس كان عنده 2 متوسط حتى تخرج من الجامعه ونال الماجستير
وفي وظيفه حلوه وفاتح تجاره وامي هي سبب بعد الله
وهو الان يذكرها ويحبها ويفديها بكل امواله لانه صبرت عليه وعلى طيشه وعلى دراسته ترعاه زي ماترعى الام طفلها
ياختي الحياة الزوجيه ماهي كلها وناسه وطلعات وسفريات
خذ وعطاء بذل وحصاد
كلنا نصبر عليهم فيهم الخاين والكذاب والحقير وال...... عشان نكسبهم ونكسب حياتنا
مانبي نتطلق ونتفاجاء بحياة اقسى وزوج اخر فيه من العيوب ننصدم نفسيا ونصاب بالاحباط
اختي الحياه يبغى لها صبر وتعب مافي شي يجي بالسهوله