الي فهمته انك حبيتيه بدون سبب يعني ماتواصلتي معاه وماصار بينكم ملكة عشان تعرفينه من خلالها صح؟
إذا فهمي صح ..تطمني ترى هذا مو حب
هذا شي فطري وعادي لأنك صغيرة وهالشخص أول شخص فكرتي بالإرتباط فيه وبنيتي عليه أحلام خيالية بينك وبين نفسك
مشاعر بقلبك داخليه محد له دخل فيها ولا هي قلة أدب!! كيف قلة أدب وانتي ماكلمتيه ولا صار بينكم شي؟؟!
مو من حق أحد يقولك قليلة أدب لأنها مجرد مشاعر ماتطورت لشيء قليل أدب.
كل شخص حر بمشاعره يحب الي يحب ويكره الي يكره مادامها بقلبه ماطلعها لأحد ولا تطورت لشيء حرام..
عموماً صدقيني كلنا لازم نحب شخص واحنا مراهقين حب (خربوطي)شخص نفكر فيه ونتخيل حياة وردية معاه لكن هالمشاعر كلها لعب لأننا صغار ..عادي جدًا وحده بهالعمر تحب ولد الجيران رغم انها ماعمرها شافته ولا كلمته بس هو أول شخص شافته لما صارت واعيه وقامت تفكر فيه وتحسب انها حبته
ترى عشان كذا تلاقين كثير بنات يحبون عيال عمهم مو لأنهم ينحبون وطيبين وووو ! لا، بس لأن ولد عمها أول رجال وعت عليه ويوم صارت بعمر زواج هذا أول رجال تشوفه وتسمع طاريه ..
لو ما حبيتي هالشخص راح تحبين أي شخص بالدنيا لكن هذا مو اسمه حب..
هالتجربة لازم الكل يمر فيها قبل النضوج ..

استخيري حبيبتي ووكلي أمرك لربك وانسي موضوع الخاطب الأول