المشاركة الأصلية كتبت بواسطة شيهآنة

صديقتي تزوجت وعمرها 14 سنة وزوجها كان 26 سنة وقتها
كــان يذلها .. يضربها .. سكير .. اصحابه اصحاب سوء .. راعي سفريات
وبنفسها كانت تشوف صورهـ وهو في الخارج يمارس الخراب اعوذ بالله
لكن ماكانت تقدر تتطلق او تتركه لانها اقرب ماتكون لمقطوعة من شجرة ومالها غيره بعد الله
وبنفسي كنت اشوف آثار التعذيب عليها وآثار الحاجة والفقر والضعف
بس كانت تحط حرتها في الدراسة وتطلع الاولى علينا دائما ماشاءالله
وكانت صابرة وتقول بنفسها انها ماتترك صلاة الليل والدعاء فيها مهما حصل ..

سبحان مبدل الاحوال

بعد 7 سنين زواج من العذاب والصبر والدعاء تبدل الحال تماما"
صار يجي بين ايديها من هذاك الوقت الى الآن يبكي ويطلب منها السماح
التزم وربي فتح عليه وبدل ماكانت ساكنة بشقة ماتلقى لها الايجار .. صارت ساكنة بفيلا في افخم حي
حـــــاله تبدل تماما"ومسك إمامة مسجد وصرنا نصلي التراويح خلفه كل رمضان ماشاءالله وصار قدوة بالفعل
وهي الآن طبيــــبة طواريء في وحدة من أرقى المستشفيات وبعد ماكانت تكرهه كره العمى صارت تعشق ثراه وهو نفس الشيء

.
.
ماشاءالله تبارك الله .. اللله يبارك لها ويزيدها من فضله ونعيمه وسبحان مبدل الاحوال
ربي عمره مايضيع صبر وتعب انسان
الحياة كفـــــــــــاح بدون الصبر والجهد ماتمشي والدعاء سبحان الله يصنع المعجزات