اليوم اخذت جوال زوجي وجلست افتشه واللي كنت خايفه منه بالفعل حصل ،،،لقيت محادثه مع اعز اصدقائه يقول فيها بما معناها انه خلاص وقرب الوقت اللي ياخد راحته ويرجع مثل اول ومغامراته مع الحريم نظرا لاني حامل وقرب موعد ولادتي فاذا ولدت وطمن على طفله يروح يفلها على قولنا ،،الامر الثاني الفيس رجع يضيف بنات ويراسلهم للاسف ،،
انا هنا سحبت نفسي بكل هدوووء وجهزت اغراضي واغراض اطفالي ..واخدت مبلغ بسيط من جيبه وقلتله يافلان انا شفت محادثتك مع صديقك وبروح بيت اهلي وترى اخدت تفاريق من جيبك عشان اصرف فيها على اطفالك وربي يسامحك راح حضرته اخد المصروف من شنطتي حتى المبلغ اللي كنت محوشته اخده ،،انا هنا انهرت قلت له انت اصلا واطي والرجال اللي يمسك عن المراه المصروف ماهو رجال وتوقعت منك دا الشئ وصرت اضرب في بطني يارب يموت عشان ماانذل الين ماعورتني بطني ولا انتبهت لنفسي من شدة القهر اللي كنت فيه (عارفين ليش لانه اول حصلت مشكلنا بيني وبينه بخصوص خطبته وكانت بتوصل الطلاق وقتها كنت اتصل عليه اقول يافلان عيالك محتاجين مصروف يقولي طيب ويقفل جواله وتجلس مامتي تتسلف وهو عبالو انه يمسكني من يدي اللي توجعني وحر جع له )
وكلام كثير حصل بيننا وقلت له يافلان اذا عبالك انك تستنى ولادتي وتطمن ان البيبي سليم فاطمن البيبي مشوه وقلبه تعبان وكل منك ومن تعاملك الزفت معايا تشوفني اكرف زي الحمير وتعبت اقولك ابغى شغاله ماانت راضي تجيبيها ابغى افرش البيت واصلح غرفة النوم تعبتني نومة الارض كسرت ظهري وانت ولا عبالك حتى المخدات ماهي موجوده فالح فيه بس تخزن الفلوس في الصراف عشان وناستك بعدين عبالك بتاخد بعقلي حلاوه لما قلت لي اوفر عشان افتح مشروع خاص هذا غير الالفاظ البذيئه اللي تخرج منه ..(المهم اني فاولت على جنيني 😢 اسأل الله ان لايؤخذاني وربي يقر عيني فيه واشوف بشرا سويا صالحا ياحي ياقيوم)
وقتها ماادري الا الرجال منهااااااار ويبكي ،،
انا هنا فرحت وبردت قلبي عارفين ليه لانه برضو وقت انهياري وضربي لبطني وهو يطالع في بنص عين ويقولي روحي بس .
بعدها قلت له ياابن الناس انت ليه تبكي يقولي سيبيني في حالي انا حقتل نفسي وووالخ قلت له خلاص هدي الجنين مافيه الا العافيه وصار يقولي حلفتك بالله قلت له ايوا مافيه شئ
قالي اكيد قلت قلت له ايوا وخلاص يافلان روح بحالك واتركني بحالي انت ماتقدر تعيش من غير حريم وانا مااقدر اشوفك كذا واستمر معاك وخرجت ،،
اللي حصل الآن 1-اني تعوذت من الشيطان وجلست في بيتي ولكن بس ابكي من القهر وبنفس الوقت قلت مابروح لاهلي لانه حيعذبني زياده ويمسك المصروف واموووت من القهر على اولادي واذا ولدت لكل حادث حديث بس طبعا بدون مايكلمني او اكلمه
2-الامر الثاني بالفعل صار قلبي واكلني على جنيني لايكون تأثر من ضربي على بطني
شوروا علي ماذا افعل