حبيبتي كطريقة مجربة ولو ان ما افضلها بس ساعات اتذكر الوالدة على عمري تسويها تقول علشان والدك ماينحرج لان مثل ماذكرتي به هالصفات قليل ،،

كانت هي من يمسك المصروف ،، وكانت تقدر تجمع منه مبلغ وماكانت تخبر والدي انها تستقطع مبلغ من الراتب وكانت تخبيه وماتصرفه وكان بوقتها ماتعرف للمصارف فكان كل ما تجمع عندها مبلغ ويكون سعر الذهب نازل تاخذ بالفلوس قطعه قطعتين وكان بزمانهم الذهب البحريني الخالص بعد فترة يساوي الضعف وهكذا تبيع وتزيد بالفلوس وترد تاخذ و بالنهاية تخبر والدي انها اخذت لها مصروف من المال لحت مايكون عليها شي وتبري ذمتها ،، وشوفي الحين مثل ماقال اخوي عن سالفة اللي ما حصل شي بعد 20 سنة شغل والدي ايضا حصل له! ولكن بالنهاية اكتشف ان والدتي جمعت هالمبلغ الحلوو وقدر يعمل فيه لاولاده ولنفسه وماشاء الله تبارك الرحمن سنويا يسافرون ولله الحمد ..

اذن عندك موضوع الاستثمار الذاتي ومو مهم يكون مبلغ كبير لا كل مرة مبلغ صغيرون وشوي شوي تتجمع لاتخبرين زوجك بكل ما ببالك زوجك طيب وممكن اذا احد طلب منه يستحي انه ما يلبيه وهالشي اعتبره نقطه قوه لشي واحد وهو ان قلبه خالي من الحقد على احد و يحصل ثواب وحسناات كثيرة برغم انه مزعج بعض الاحيان ولكن ما يتغير للاسف هههههه مثل ماقلت لك والدي به هالصفات ولكن تصدقين بالنهاية لحسن نيته الله يرزقه من حيث لا يعلم والناس اللي تحاول تاكل حلاله تنصدم و تخسر!

الله يوفقكم ويخليكم لبعض ان شاء الله ويحفظكم ويحفظ لكم اولادكم ،،،