اذا اتينا بقطه او اي طير

رح نحن ونفقدو فما بالك برجل يعيش معنا تحت مسمى زوج



هي فتره وتعدي وان عاد رح يعود لافعاله واكثر لسبب واحد

لان وقتها رح يكتشف انك مهما هددتي فستحنين اليه وسيكون كلو تهديد فقط من غير افعال


يمكن وقت تدخلو المحكمه وقتها يصحى من غيبوبته ويشعر انه فعلا خسركم الى الابد او لفتره كبيره من الزمن


الله يكتب لك الخيرررررررررررررررررر ويرضيكي فيه

__________________
http://live.gph.gov.sa/
اللهم اني استودعك اولادي

الحياة ما تكمل لاحد
خليك مع زوجك احسن لك و بلاش كل هالمرمطه
بنربي مين و لا مين ..!

دام انك قادرة على مسوليتهم و شايلتها مايضرك وجود ابوهم
يضل اب و زوج لك .. مانتي خسرانه شي

الله يكتب لك الخيره استخيري واسالي شيخ دين يمكن يفيدك

زوجي مجرد انه تزوج ، خرج من قفص أهله و انطلق فجأة ليخرج كل شي انحرم منه في بيت أهله
بمراهقته و طفولته ..

ممنوع عندهم يمتلك أي شي
ممنوع يقول رأيه أو وجهة نظره
ممنوع يكون عنده ريال واحد
ممنوع يتفرج تلفزيون
ممنوع يلعب
ممنوع يتصاحب مع أي أحد

مسموح يغش بالمدرسة ، و أمهم تعلمهم كيف يغشوا و تشجعهم
مسموح يكذبوا عشان يحموا نفسهم ، و أمهم تعلمهم كيف يكذبوا بمهارة و فن
مسموح كل شي من خلف ( أبوهم ) ، و بمساعدة و تغطية ( الأم ) عليهم

غصب عنه يصلي
غصب عنه يصوم
غصب عنه يعطيهم كل قرش في جيبه
غصب عنه يكون تحت يدهم و رحمتهم

يوميا و كل ساعة ، محاضرات دينية
كل ساعة مواعظ و قصص ، المشكلة إنه يسمع شي و يشوف شي ..

يعني أهل زوجي من الناس اللي ينصحوا و يتكلموا مواعظ لكن اللي فيه ( مصلحة لهم )
لكن اللي ( عليهم ) ، يحللوه ..

و أبو زوجي ( بخيل جدا ) مادياً ، و أم زوجي ( طماعة جدا ) ..

و العقوبة لو أخل أي شي من الأمور هذه ..
الضرب المبرح
الضرب لدرجة رجال و عمره 24 يبكي من قساوة الضرب ؟؟؟؟؟؟؟؟؟؟؟؟؟؟؟؟؟

.
.

تخيل حالك عايش الحياة هذه من يوم انولدت و خلاص أصبحت بلا كرامة و لا هوية و لا تقدير للذات ؟

.
.

عشان كذا ، ما كان أي شي ظاهر لنا ..

غير فلان اللي يصلي بالمسجد ، و اللي ماله أي حس و خبر ..
و الكل يقول بس نعرف إنه طيب و حنون .. و ما حد يشتكي منه

ربي اللي هو عالم بالغيب ..

قال عقوبة الزاني الرجم حتى الموت ..
و ما قال لو عنده زوجة ، طيب كذا ..
لو عنده طفل ، طيب اعطوه فرصة ..
طيب لو كان مثلا أهله معقدينه ، كمان و كمان ... إلخ ؟

.
.

و الله لو إني ما شعرت إنه يرغب بالتوبة ..

ما كان حصل التذبذب اللي بداخلي حاليا ..
لإني كرهت زوجي فعليا ، الشخص اللي هو ( أصبحه ) بالسنوات الأخيرة ..

و لو اضطريت أخلعه ، راح أخلعه بدون تفكير ..

لكن أستنى يوم المحكمة إيش راح يكون رأيي القاضي رأي أخوي الكبير ..

.
.

لما قرأت قصة شيهانة ..

زدت اصرار إني أطووووووول المدة في غيابي عنه ، و ما أرجع بسهولة ..

.
.

و لو ما نفذ لي طلباتي ، و اللي راح تتسجل في صك شرعي بالمحكمة ..
ما راح أموت من غيره ..

زوجك ضحية اهله للأسف

عشان كذا بيعوض سنوات الحرمان حتى لو بالحرام


ليش زاد إصرارك بعد قصة شيهانة

زوجك مثل زوجها والا بس علاقات نسائية ؟

و الله بأستنى يوم المحكمة بفارغ الصبر ..


بس عشان يعرف إنه مو بس تهديد ، و زعل بسيط و انتهى ..


.
.

لا مو مثله ..


بس هي تقول إنه تاب و كتبت شروط ووووو إلخ

لكن بالأخير رجع للي كان عليه ..

.
.


يعني لازم ابتعد عن زوجي فترة طويلة ..

أفضل لنفسيتي ، و أفضل له عشان لو يبغى يتغير فعليا


لكن أبدا ما راح أعطيه أمل 100% إنه ممكن نرجع لبعض ..

أبغى أشوف هو إيش راح يعمل عشان بيته و أولاده و زوجته ؟
لإني ما راح أرجع لحياتي السابقة


.
.

لدرجة إني قررت أترك بطاقتي في يد أخويا ، و لو احتجت أي مبلغ ..
أحوله على حساب أخويا بالأون لاين ، ثم يعطيها لي كاش من غير ما زوجي يدري أو ينتبه ..

هذا لو و لو ، تاب و نفذ كل الشروط ، و أخوي الي قال لي ارجع له ، و تسجلت كل الشروط بصك شرعي

و أصلا بعد كذا ، قالولي ( زوجي راح يكون تحت الملاحظة إذا جينا يوم المحكمة )

لكن أنا ما أبغى غير إنه يخلي علاقته بربنا قوية ..

أمس كنت مرة تعبانة ، و بس افتكر و عيوني تدمع و مو متحملة الأولاد و ماسكة أعصابي ..

.
.

تشجعت و أخدت الأولاد مع الشغالة .. و قلت ما يصير كذا اجلس ، خلاص لازم اتحرك ..

طلبت تاكسي ، و رحنا للحرم ..

هناك صليت العصر ، بالبداية حسيت بصعوبة شديييييدة و عدم قدرتي عالسيطرة ..
و صرت ادعي على زوجي ، ثم هديت .. و صرت ( أدعي له بالهداية ) ..

ما تعودت أروح و أخد الأولاد و المرمطة هذه ، لكن صعب أترك البزورة بالبيت ..
و حابة إنهم يغيروا جو .. و ما أبغى أترك النونو مع الشغالة بالبيت ، ما أضمنها ..


.
.

و شوي أبكي ، لكن افتكرت إنه عندي راتبي و الحمد لله و وظيفتي و مو ناقصني شي ..
تخيلت حالي من غير مصدر دخل كيف بيكون وضعي أنا و الأولاد .. ؟
و حمدت ربي كثيييير .. و نفسيتي تحسنت نوعا ما ..

.
.

بعد الصلاة ، كنا ميتين جوع .. لإني ما تغديت من الصبح و لا فطرت ..
بس غديت الأولاد الأكل الباقي تبع أمس ..

رحت أقرب فندق ، و سألت عن البوفيه ، قالولي بعد المغرب ..
و ماني عارفة فين يبيعوا الأكل ؟

المهم ، اخدت كرواسون من الكافيه لي و للشغالة و كابتشينو و لاتيه ..
و أخدت عصير فريش برتقال للولدين ..

و كلفني كله مبلغ .. بس قلت بالعافية مو مشكلة ..

بس بعدين لما نزلنا تحت و لفينا ..
لقيت محلات كثيييييييييييييييييييييييييييييييييييييييييييرة تبيع ساندويتشات ، و بروست و مشويات
و كل شي تشتهيه النفس .. و بأسعار مرة مرة مرة رخيصة ..

.
.

لفينا ، و لقيت محل جوالات .. و طلعت لنفسي رقم جديد ، و بفاتورة ..
اشتريت سجادة لولدي ، و مرة انبسط عليها ..

لما رجعنا البيت ، من حاله راح يتوضا أي كلام ، و يصلي في قبلة أي كلام .. : )

.
.

صح تبهدلت ، و تعبت ،.

لكن حسيت إنها كانت تجربة ممتعة ( للولدين ) ..
يكفي إنهم بيشوفوا الناس تصلي ، و غيرنا جو ..

ماشاء الله عليك ياروح هذا هو الحل السليم

لما قريت قصتك هذا الحل اللي يدور في بالي بس مدري كتبته والالا

لاني كل ماافتح موضوعك تخنقني العبرة رغم اني مجربة الم الخيانة

لكن تضحياتك ومراعاتك لزوجك وانه ماقدرها يخليني مو عارفه ارد