مثل ما قالوا الأخوه والأخوات ...يمر بحالة نفسية من الاحباط اللي هو فيه ومعاه حق الصراحه ... بال 30 ولا اشتغل ولا تزوج !!!
مو لازم الأهل يعرفوا بحالته النفسية لكن لازم يفهموا منك قلقك عليه ... كيف بيتزوج وهو ما يقدر يفتح بيت ماديا ؟؟
مو لازم يتوظف أو باب رزق من أي نوع ... مثل ما قالت أوراق ملونه ..ما دام الرجل طيب وخدوم ويستاهل ليه ما اخوانك وابوك وعمامك ..كل واحد شوي وتفتحوا له مشروع هدية منكم . والرزق يجيب الرزق خاصة لما يبدأ يدخل عليه دخل ثابت بتتحسن نفسيته وبتصير مقابلاته للعمل مجدية أكثر وناحجة

وبنفس الوقت دوروا له على عروس بجدية ..هذي مهمتك انتي

لما تكلميه عززي ثقته بأن تمدحي الصفات الطيبة اللي فيه وكمان تذكري صفات القوة والتحمل ... صراحة أعتبره قوي اللي قادر يتحمل ظروفه . ... امدحي روح النكته عنده .. امدحي بصفات كثيرة مو بس أنت طيب وتعطي الناس ... ترى العطاء الزيادة لدرجة أن يخسر نفسه مو كويس على المدى البعيد . ولنفسك عليك حق ..وحق قبل الناس الثانية . ليش يستدين عشان غيره ؟؟ ليه مو صاحبه اللي راح استدان ؟
وامدحي فيه كرجل ..أن فلانه شافتك وأعجبت فيك بس يا خساره كبيرة وما تصلح لك ..أو متزوجة أو عجوزه ... واذكري له أمثله عن شباب صارلهم فترة يدوروا عروس ولسه ما صار نصيب ...
لازم يفهم أنه شخصيته ووضعه مو سبب بدمار حياته وعدم تقدمها . وأنه في أمل يتزوج عادي حاله حال غيره .

__________________