ربما زوجك
عنده احساس
بشعورك تجاهه
ومو عارف ايش هو بالضبط
لذلك هو كثير العتب
لأنه حاس بعدم حبك له

وكلش يمشي بين الزوجين
الا التصنع بهالأشياء
لابد يحس

ان كان كلامي هو اللي يصير
فزوجك في دوامه يبحث
ليه ما حبيتيه !!
واحيانا يكذب نفسه واحيانا لا يصدق

اتمنى تتداركي زواجك
وتحبي زوجك كما هو
وهذي هي العاطفة الحقيقية


وصدقينه ذاك لو عشتي معه
راح تشوفي عيوب
كثر عيوب زوجك او اكثر
بس كانت علاقتكم مثالية
مهما طالت مو مثل اللي عاشوا مع بعض


يعني انتي شفتي ايجابيات ذاك فقط


ويكفي من زوجك انه يحبك الله يديم عليك
الحل الان من طرفك وهذي نعمة
انه مو من طرفه هو


• ألحي على الله بالدعاء ..
• رتبي مفاجاءات كثيرة بينكم ومتنوعة ..
• اسبقيه بالاتصال واتعذري انك متأخرة عليه حتى لو ما تأخرتي
بس عشان تحسسيه انك ببالي على طول ..
• تأكدي اذا مألتي وقتك بزوجك
راح تنسي ذاك بالتدريج
لكن .. كلما شفتي من زوجك نقص
رحتي قارنتيها بذاك ما راح ترتاحي نهائي
وأكرر .. تراك ما تعرفي سلبيات ذاك ..

وكلما حدثتك نفسك بذاك
كلمي نفسك
ماذا لو زوجي نفس الشئ
تحدثه نفسه بغيرك وهو جالس يجاهد !!
الله يوفقك للخير

حبه لك غير ناضج
حب كحب الطفل للأمه وتعلقه فيها ( حب ناقص) والحب متقلب لا يدوم سوى التفاهم
والتقارب في الطباع والشخصيات وهذا ما لم اجده بينكما
انتي واضحه وصريحه مع مشاعرك وجميل هذا الشئ
لا تزيفي الحقائق وشعور قلبك دليلك
هو يبحث عن ام يشكي لها ويبكي امامها ولا يرى في ذلك حرج
بالمقابل انتي أمرأه مكتملة النضج والمشاعر وتريدين ان تبادلي شريكك الاحساس الصحيح
الناضج الصحي
انتي تريدين الاخذ في المشاعر وليس لك طاقة معه في العطاء
هو يعطي ولكن لأسف عطاء سلبي
هناك من يحبون الرجل الحساس الضعيف امام الحب الذي يبكي امام امرأته
أما انتي فلا تحبين هذا النوع من الضعف والا نكسار
تريدين رجلا مكتمل الرجوله وناضج ويحتويك لا تحتوينه

صعب ان تتلاقون حتى بعد الزواج ستكون هناك فجوه كبيره تتزايد عمقها

الحل بيدك اما الفراق او الاستمرار بزواج أساسه الشفقه

__________________
وهل من مصير اخر ؟

أحسنت يا كوكي ..

__________________
## مهم ##
هل تتعرضين للابتزاز في الانترنت؟


هنا من ينقذك

في هذه الدنيا كله يعدي ويروح

والاربع سنوات الي مضت مع الرجل السابق بيجي يوم وبتضحكين على نفسك على ما جرى فيها من مراهقة حسبتيها حبا وغراما ..

وانت كنتي مو مصدقه .. عربة التاريخ بتذكرك في يوم بهذا الكلام كما ذكرت كثيرات وكثيرين غيرك ..

ايووا شرحك لشخصيته تمام 100٪
بس انا غلط ، للي يعرف بوصلة الشخصية اتوقع واصلكم شعور اني شمالية
انا جنوبية وغربية كمان ، بس مشاعري مستقرة وناضجة
احب اعطي كثير واستمتع ، معروفة بين اقاربي بحبي للاطفال وعشقي للعناية فيهم
وتحمل ازعاجهم
صحيح اكره الضعف والانكسار خاصة لما يكون من رجل
بعض التصرفات الشمالية اكتسبتها لين صارت جنوبيتي متزنة
وهو جنوبي شرقي وجنوبيته متطرفه
صريح وكل شيء يحس فيه يقوله ولايكتم ابدا ، وانا انصدم فيه اشياء غلط تنقال
ولما قلت له انه اتحسس لاتقول لي كل شيء قال انتي شريكة حياتي لازم تعرفين كل شيء
كذا مبدأه ، انتي زوجتي لازم افضفض لك انتي زوجتي لازم تعرفين ظغوطاتي ، وهالاشياء
اعترف فيها من بداية مكالماتنا وصار عندي صدمة هه
ياكوكي مره وهو عندي بوس رجولي !!
ولما كلمته قلت له مايصير تسوي كذا ما ارضى عليك قال عادي انتي زوجتي
كلماته لما يعصب ( خليني زي الزبالة عند باب بيتكم ، انا زي الكلب عندك ، انا قطوة شارع
طالع عشان الابراج اكلمك ) هالكلام مو مفروض يطلع من شخص عمره 27 سنة !
عندي أمل انو مجرد زواجنا بيرتاح وتستقر نفسيته ويتعدل

مااقدرر اتركه ، تخيلي قبل كم يوم كنت ابيه يبعد عني شوي او يقلل عتابه ويراعي نفسيتي
قلت له انه عندي مشكله وماخذه كل تفكيري ومو قادرة اهتم فيك بس لاتسألني ايش ، لاتظغط علي
وبرتاح كثير انجنن والا لازم يعرف ايش جلسنا ساعتين وهو يقول علميني قولي لي
لين صار يصيح صياح يقطع القلب وقلت له سالفة عشان يرتاح بس
تخيلي قال الحمدلله الحمدلله يارب لك الحمد والشكر كنت خايف ماتبيني ولا مو مرتاحة معي
دايم يقول الحمدلله انك زوجتي ، لو خيروني بين بنات العالم ما ابي غيرك ووو
: ( '

اقدر اصارحه باختلافات شخصياتنا واترك القرار له !
مازلت اطمح لأنو بيتغير : (

أختي ما يمكن
تأخذوا دورات بالحياة الزوجية
مع بعض
وحتى ممكن تروحوا
لمستشار متخصص
سواء اسري او نفسي
لا تقولي له نتعالج
قولي تطوير

الله يوفقك

وتذكري
(( والذين جاهدوا فينا لنهدينهم
سبلنا ))

استمري بمجاهدة نفسك وربي
ماراح يخيب تعبك
بإذن الله