كلما ادخل موضوع عن التعدد و اشوف الم الزوجه الاولى يخليني هالشي اخاف... اخاف من المستقبل اني اكون سبب في الم وحده بدون قصد مني سوى ان الله كتب لي اكون زوجه ثانيه... وهني اطرح تساؤلي... هل ارفض المتقدم لأنه متزوج؟ مع انه كرجل كل صفاته ممتازه؟ و اسمع كلام الناس اللي يقولون ان العزباء لازم ما تاخذ متزوج و تنتظر الاعزب (و قد يكون الاعزب ارمل او مطلق) و لكن ما تاخذ المتزوج.. و في ناس تقول ان مافي مشكله توافقين اذا انتي ما ركضتي وراه و هو تقدم لج و انتي في بيتج... طيب اذا تقدم لي لانه شافني في العمل؟ في هذي الحاله اقبل او ارفض؟


و الله ما اقصد شي خواتي.. بس فعلا الحيره ماخذه عقلي هذي الفتره... في النهايه هي مجرد تساؤلات لا اكثر.. و ما اقصد اجرح احد فيها.. و اذا احد تضايق فإني اعتذر مقدما..

__________________
يرجى زيارة موضوعي


http://www.66n.com/forums/showthread.php?t=251177

فديتج يا لكل شيء حد .. تساؤلاتج طبيعية .. وأنا شخصياً كنت أطرحها على نفسي زمان قبل ما أتزوج .. بس الفرق إن المعدد اللي ياني صفاته غير ممتازة على الإطلاق

والحقيقة إني ـ بغض النظر عن ذاك المعدد ـ ما كنت أستسيغ فكرة إني أكون زوجة ثانية أساساً.


حالياً وللأسف ما أقدر أقول لج اقبلي أو ارفضي .. بعدني عندي صراع ما بين العواطف والمشاعر وما بين العقل والمنطق.

لكن على كل حال .. أذكر إن الغالية بشرى طرحت تساؤل مشابه هنا .. وكان لفاكهة الشتاء ردود عليها .. أظنج بتستسفيدين منها.


إذا وقتج يسمح ارجعي كم صفحة لورا



وطمنيني عليج دايماً.

__________________


اللهم طِيبَ الأثر .. وحُسْنَ الرحيل.