اهلا
رجعت الواتس بعد كم يوم لقيته كاتب لي انا اسف اني اوجعتك وصدقيني حذفت البرنامج عشانك وكلام كثير مثل كذا في الاخير قال هذا برنامج تعليقات - شي عادي يعني - طنشته ماكان لي نيه ارد اصلا ، صار يرسل لي كل يوم كلام معسول واطنشه ، اخرتها كتب هنيئا لك على صبرك وحشتك و ﻻتكلميني ، قلت الصبر صدق لما اشوفك تكذب علي وانا ساكته ..
قال انا كذبت عليك ؟؟ قلت ايوه تقسم انك نايم وانت ﻻ مانمت
قال انا ماعمري كذبت عليك
قلت انا شفت بعيني طيب ؟
المهم جلس يبرر بطريقه مستفزة يحاول يخرج منها بأي طريقة ، بينما انا رأيت كل شي بعيني بس اخرتها طلعت غلطانه اني اتابعه من وراه !!!
قلت يعني انت تكلم بنات عادي تقول لوحده احبك عادي بس انا غلطانه اني تابعتك وانت ماتدري .
قال انا ماسويت شي غلط هذا برنامج تعليقات عادي .
قلت خلاص لاتستمر في الكذب ﻻتخرب كل شي انا جايه بفتح صفحه جديده !
قال طيب انا اسف اسف وتأخرت ع الدوام
قلت طيب اتمنى هالشي مايتكرر وانا فاتحه صفحه جديده ونسيت كل شي ،

بصراحه اسلوب التهديد جا في بالي كثيرا اني اقول والله ماراح امشيها لك المره الجايه ومن هالكلام بس احس هذا ابدا مو اسلوب انا حاولت ان اضبط نفسي لكن انصدمت ان كلامه اول مارجعت الواتس غير وكله اسف لدرجة انه جلس يدعي على نفسه ﻷنه آلمني ، وبعد كم يوم لما رجعت اكلمه قالي ماغلطت بشي واعتذر بالقوة ..
اكتشفت ان المره الأولى كان خايف من الفضيحه وخايف اقول ﻷبوي ويوم شافني ماسويت شي جا يتكلم بقوة عين ، كلمت امي ع اساس نخبر ابوي اني اكلمه واكتشفت كذا وكذا رفضت رفضا قاطعا واكتفت انها قالت له ايش رايك في فلان قال ابوي ونعم الرجل كالمره السابقه ... اصبحت في دوامه اخرى حقا ماذا افعل ؟؟!!