سلام عليكم جميعا ،،

يا ليتني مت قل هذا ،،

أعيش أحاسيس فظيعة تشبه أحاسيس الطلاق الاول،،

احس بالموت، تفكير تفكير ، لا نوم ولا شهية في الطعام ،،


اخر شخص كنت اتوقع يتخلى عني ،،

كلمني امس وقال ( اعتبري اللي بيننا انتهى، انا مسافر عشان ما أواجه ابوي وأبوك))

يا ناس هدوم ذكرى الزواج الاول مجهزتها من الان،، وما لحقت اكمل سنة
يا ررررب رحمتك ..


محتاجة دعواتكم


اللهم كن معي والهمني الصبر واربط على قلبي

السلام عليكم

خير يامعالي وش فيه؟
اشصار وش السالفة؟؟ فهميني
قبل فترة ماكان فيكم شي

اشرحي ابفهم عشان اقولك وش تسوين
ليه قال كذا؟ وش صاير

__________________
استغفر الله واتوب إليه

اخ متفائل

الشيطان دخل بيننا،،

امس قال روحي لأهلك وانا بروح لأهلي بتمشى مع أصحابي وإبات عند اهلي،،

والليلة اللي قبلها اللي هو الخميس كان عنده دوام لين الليل وقال لي سوي عشا

وبعدين دق وقال: سويتي! لا تسوين عشان بطلع مع أصحابي ،،

بالقوة أقنعته يتعشى،،

المهم آليوم الثاني اللي هو امس أجبرني اروح عند اهلي ع اساس انه خايف علي اجلس لحالي

رفضت اروح وقلت لا تخاف علي ، والح علي يوديني بشكل فضيع لين لميت ملابس حق يومين

طبعا عصبت وتذمرت وتذكرت مواعيد معلقة المفروض يخلصها، وذكرته بالأسبوع اللي راح يوم راح مع أصحابه

وأخلف وعده، وقلت انت طول الاسبوع مشغول ويوم يجي الوقت اللي برفه عن نفسي معك تروح لأصحابك

وتبات عند اهلك،؟

المهم واحنا في السيارة؟ قال تبغيني؟ وبعصبية ومن ورا قلبي قلت لا ..

المهم جا الليل ودق علي وقال اللي قاله

هذي القصة باختصار

وعليكم السلام ورحمة الله وبركاته ..
صباحكِ فرج يامعالي الحبيبة ..
لاتزعلين مني وسأخبركِ بالحقيقة ، المشكلة تصير في كل البيوت وكثير من الأزواج من يخلفوا مواعيد زوجاتهم ،
فعندما سأل السؤال وقال لكِ هل تبغيني ؟!
المفروض لم تُجيبي عليه بهذا الأسلوب هو وقتها كان يحتاج أن يسمع منك كلام جميل ..
يامعالي الحبيبة الغالية على قلبي زوجكِ يحبكِ لاتخسريه من أجل هذه المشاكل وكوني أكثر حكمة وصبراً في هذه المواقف
والله أُقدر ماتمرين به ..
من رأيي أن تُرسلي له رسالة بأنكِ أنتِ لاتستطيعي الأستغناء عنه وعندما قلت هذه الكلمات قلت بعصبية ومن وراء قلبكِ
أنت كل شيء في حياتي وتكون بأسلوب طيب وبالوقت نفسه مؤثرة عليه ..
هيّا معالي ياحبيبة ..
أتذكري موضوع أم الدانة كيف عاملكِ ..ابتعدي عن المشاكل هذه بقدر الإمكان ،
وطمنيني عليكِ ولا تخرجي من البيت انتبهي كوني في بيتكِ ..
ولا تُخبري أحداً من أهلك ولا والدكِ أرجوكِ ..
أفرح الله قلبكِ بدعوة لاتُرد ..

حبيبتي سر

انا ذكرت في القصة انه كان موديني بيت اهلي وفي السيارة تهاووشنا،،

انا الحين في بيت اهلي ، وأمس كلمني وقاللي خلاص،،

وغضبا عني بكيت وعرفوا امي وأخواتي،، وابوي مسافر قبل شوي دقيت عليه وبلغته ،،

بالنسبة للاعتذار لمن كلمني اعتذرت منه يا سر وقلت نفس كلامك وكنت ابكي وفي الأخير سكر في وجههي

أخبري أهلكِ بأنه مشكلة بسيطة جداً وتحل طمنيهم أنتِ ..
لاأريد مشاكلكِ تتسلل إليهم كل مرة كي لايأخذوا عن زوجكِ فكرة سيئة دوماً البنت عند والدها غالية وأنتِ تعلمي هذا الأمر ،
اتصلي عالوالد وطمنيه ولا تبكي أمام أحد ..
اهدئي الآن وعودي بالليل ارسلي له وتعال خذني لأني أحتاجك واشتقت لك ..
جبر الله قلبكِ بكل ماتُحبين ..
مشكلة بسيطة لاتكبريها أمام أحد ، انتبهي من هذا الأمر !

معالي
الحمدلله ان الموضوع بسيط .. خوفتيني عليك
ماراح يسوي شي لان مافيه سبب وجية للطلاق تطمني

ولما قال ابسافر واطلق عشان ماواجة ابوي وابوك هذا معناتة انه مو جاد لمثل الخطوة هاذي
كل هالحركات عشان يفضي لنفسة الجو مع الشباب من غير قيود ومن غير اي التزام!!

اهم شي انك تكونين طبيعية مع اهلك ولاتعلمينهم بشي .. ولا اتكلمين معاه وتعطينة اكبر من حجمة
لاتخافين ماراح يسوي شي .. اتركية بحالة لما يجيك هو او اهلة يحسون ويجونك .. اهم شي لايصدر منك اي كلام

اما سالفة تبيني هاذي بصراحة تضحك ولو انه ناضج ماقالها
وش شغل البزارين هذا!! ودي اضحك والله بس ماقول الا الله يهدية

__________________
استغفر الله واتوب إليه

يعلم الله اني ما قلت لأبوي الا بعد ما تعبت من الصبر ،، ابغاه يتصرف بأي طريقة ولا الود ودي ما يعرف،،

من امس ما نمت ولا اكلت شي

اخ متفائل ،،

احسه تكلم بنبرة جدية، بعدين معقول يمزح في موضوع زي هذا،،

وقال ترا قلت لامي وأخواتي بالسالفة وما رح أعيش مع وحدة ما تبغاني،،

ما رح اعيش مع وحده ما تبغاني

زوجش من بداية زواجكم حاسس بانش ما تبغينه وتراكم عليه الامر يعني ها الاحساس موجديد قديم
ماحس بالقوامه ولا احتياجش له وحبش له
حاولي تغيرين من تعاملش معاه وبينيله بحاجتش له مو خوف من تكرار الطلاق لا لاجله هو